Oliy va o’rta mahsus ta’lim vazirligi toshkent moliya instituti

OLIY VA O’RTA MAHSUS TA’LIM VAZIRLIGI TOSHKENT MOLIYA INSTITUTI

R.H. AYUPOV, G.R. BALTABAEVA
KICHIK BIZNES VA TADBIRKORLIKDA INNOVATSION RIVOJLANISH YO’NALISHLARI

Monografiya

TOSHKENT - 2018

“Xalqimiz dunyoqarashida innovatsiya muhitini yaratish eng muhim vazifamizdir. Innovatsiya bo‘lmas ekan, hech bir sohada raqobat, rivojlanish bo‘lmaydi. Bu sohadagi o‘zgarishlarni xalqimizga keng targ‘ib qilmasak, odamlarda ko‘nikma paydo qilmasak, bugungi davr shiddati, fan-texnikaning

mislsiz yutuqlari bilan hamqadam bo‘lolmaymiz.“

Shavkat Mirziyoyev, O‘zbekiston Respublikasi Prezidenti

R.H. Ayupov, G.R. Baltabaeva. Kichik biznes va tadbirkorlikda innovatsion rivojlanish yo’nalishlari. T.: TMI, 2018, 235 bet.

ANNOTATSIYA

Barcha mamlakatlarda, shu jumladan, O’zbekiston Respublikasida ham bilimlarga asoslangan iqtisodiyotga o’tish kontseptsiyasi industrial davrdan information-texnologik davrning ishlab chiqarish usuliga o’tish bilan bog’liqdir. Jamiyatning jadal rivojlanishiga olib keluvchi bunday kontseptsiyaning paydo bo’lishiga asosiy sabab - industrial iqtisodiyotning barcha tarmoqlari va jabhalarini qamrab olgan hamda uning miqyosi, dinamikasi va ichki mohiyatini batamom o’zgartirib yuborgan innovatsion information texnologiyalar paradigmasidir. Ushbu risola xozirgi davrda O’zbekistonda dolzarb bo’lgan kichik biznes va tadbirkorlikda innovatsiyon iqtisodni tarkib topdirish yo’nalishlarini va bu bilan bog’liq bo’lgan ijtimoiy-iqtisodiy jarayonlarni innovatsiyalar nuqtai-nazaridan tadqiq qilish hamda shu asosda mamlakatimizda kichik biznes va tadbirkorlikning innovatsion rivojlanish jarayonini ilmiy asosda shakllantirish uchun zaruriy bo’lgan amaliy tavsiyalarni bayon qilishga bag’ishlangan. Monografiya oliy ta’limning bakalavr va magistr mutahassisliklarida ta’lim olayotgan talabalarga, shu yo’nalishda tadqiqot ishlari olib borayotgan ilmiy xodimlarga va innovatsiyalar bilan qiziqqan barcha kichik biznes va tadbirkorlik sub’ektlariga foydalanish uchun mo’ljallangan. Ushbu risola Toshkent moliya instituti Kengashining 2018 yil 29 martdagi №8/9.5-sonli qarori bilan nashrga tavsiya etilgan.

«Faol tadbirkorlik, innovatsion g’oyalar va texnologiyalarni

qo’llab-quvvatlash yili» ga bag’ishlanadi