Оliy vа o‘rtа mахsus tа’lim vаzirligi nizomiy nomidagi toshkent davlat pedagogika universiteti

2. Oʻzbekistonda stol tennisi oʻyinining rivojlanishi. 
 
Oʻzbekistonda  Stol  tennisi  keng  ommalashgan.  Oʻzbekiston  chempionati  va 
kubogi  musobaqalari  muntazam  oʻtkazib  turiladi.  Oʻzbekiston  Stol  tennisi 
federatsiyasi 1993 yil ITTFga a’zo boʻlib kirgan. 
Oʻzbekistonlik  Manzura  Inoyatova,  Saida  Burhonxoʻjaeva,  Svetlana  Geta 
jahon  chempionatida  (Doxa  shahri,  Qatar,  2004  yil  mart)  1  oʻrinni  olib,  oltin 
medallar  bilan  taqdirlanishdi.  Ular  bilan  birga  Nodira  Burhonxoʻjaeva,  Madina 
Ayupova ham bir qancha xalqaro turnirlarda gʻolib boʻlishgan. 
Stol tennisi boʻyicha Oʻzbekiston terma jamoasi a’zolari 2017 yil iyulь oyida 
Riga shahrida (Latviya) oʻtkazilgan xalqaro turnirda 3 oltin, 3 kumush va 3 bronza 
medalni qoʻlga kiritib, umumjamoa hisobida birinchi oʻrinni egalladi. 
Oʻzbekiston, Rossiya, Belarusь, Estoniya, Litva, Latviya kabi davlatlardan 80 
nafar  sportchi  ishtirok  etgan  xalqaro  turnirning  erkaklar  oʻrtasidagi  bahslarida 
Islombek  Sultonov  va  Maqsud  Rustamov  barcha  raqiblarini  magʻlubiyatga 
uchratib,  shohsupaning  eng  yuqori  pogʻonasiga  koʻtarildi.  Qutbidillo  Teshaboev 
kumush, Muhriddin Rajabov bronza medalni qoʻlga kiritdi.  
Xotin-qizlar  oʻrtasidagi  bahslarda  Soʻgʻdiyona  Madalieva  oltin  medalga 
sazovor  boʻldi.  Mashhura  Ibodullaeva  va  Regina  Kim  kumush,  Mohiroʻy 
Kamolova va Rozalina Hojieva bronza medalь bilan taqdirlandi.  
Oʻzbekiston stol tennisi federatsiyasi 
Prezident: Inamova Svetlana Tursunhodjaevna 
Vitse-prezident: Tursunov F.H., Balashov A., Hudoyqulov N.M., Hvan G.M. 
Tashkil topgan yili: 1993 yil 
“Sogʻlom  avlod  uchun”  xalqaro  xayriya  fondi,  Oʻzbekiston  Respublikasi 
Jismoniy tarbiya va sport davlat qoʻmitasi, Xalq ta’limi vazirligi, Bolalar sportini 
rivojlantirish  jamgʻarmasi  hamda  stol  tennisi  federatsiyasi  tomonidan  an’anaviy 
oʻtkazib kelinayotgan  mazkur musobaqaning joriy  yilgi respublika bosqichida 56 
oʻgʻil-qiz gʻoliblik uchun bahslashmoqda.  
Musobaqaning ochilish marosimida  “Sogʻlom avlod uchun” xalqaro xayriya 
fondi  boshqaruvi  raisi  S.Inomova  va  boshqalar  mamlakatimizda  bolalar  sportini 
rivojlantirishga  qaratilayotgan  e’tibor  samarasida  barkamol  avlod  kamol 
topayotgani,  yosh  avlodning  jismoniy  tarbiya  va  sport  bilan  muntazam 
shugʻullanishi  uchun  barcha  zarur  imkoniyatlar  yaratilayotgani,  yosh  iqtidor 
egalari qoʻllab-quvvatlanayotganini ta’kidladi. 
Quvonarlisi, mamlakatimizda ham sportning bu turi keng tarqalib, mahallayu-
xonadonlarda,  barcha  turdagi  ta’lim  muassasalarida,  xiyobonlarda,  korxona-
tashkilotlarda  oʻzining  boʻsh  vaqtini  mazmunli  oʻtkazayotganlar  soni  taboro 
koʻpayib bormoqda. 
Bundan  aloqa  sohasida  mehnat  qilayotgan  xodimlar  ham  mustasno  emas. 

---

293 
Koʻp  yillardirki,  korxona  va  tashkilotlarda  boshqa  sport  turlari  qatorida,  stol 
tennisini  ham  ommalashtirish,  xodimlar  oʻrtasida  sogʻlom  turmush  tarzini 
shakllantirish,  ularning  salomatligini  mustahkamlash  singari  ezgu-maqsadlarga 
qaratilgan  chora-tadbirlar  amalga  oshirib  kelinmoqda.  Xususan,  Oʻzbekiston 
Respublikasi aloqa, axborotlashtirish va telekommunikatsiya texnologiyalari davlat 
qoʻmitasi  hamda  Oʻzbekiston  aloqa  xodimlari  kasaba  uyushmasi  Respublika 
kengashi  tomonidan  tizimdagi  korxona  va  tashkilotlarda  faoliyat  yuritayotgan 
xodimlar,  ayniqsa,  yosh  mutaxassislar  oʻrtasida  sogʻlom  turmush  tarzini 
shakllantirish,  xodimlarni  ommaviy  sport  turlari  bilan  shugʻullanishlari  uchun 
yaratilgan  sharoitlardan  oqilona  foydalanish  maqsadida  sportning  Stol  tennisi 
boʻyicha  Koʻchma  kubogi  ta’sis  etildi  hamda  musobaqalarni  oʻtkazish  yuzasidan 
2014-yil 15-maydagi qoʻshma buyruq-qarori imzolandi. 
Ayrim  manbalarda  berilishicha  stol  tennisi  oʻyinining  assotsatsiyasiga 
Janubiy  Afrika,  Britaniya  va Hindiston  xizmatida  boʻlgan harbiylar  tashabbusi 
bilan  1911-yil  12-dekabrda  Buyuk  britaniyada  asos  solishgan.  Harbiylar  dastlab 
kesilgan shisha qopqoqlaridan tennis koptokchasi, sigareta qutichasini esa raketka 
setka  oʻrniga  kitoblarni  stolga  qoʻyishgan.  1900-  yilda  AQSHdan  kelgan  ingliz 
Djeyms  Gibb  selluliod  koptokchalarni  yaratib  stol  tennisini  rivojiga  hissa 
qoʻshgan.  Bu  oʻyin  “ping-pond”  (Stoldan  koptokcha  ovozini  eslatuvchi).  Buni 
Gibbning oʻzi oʻylab topgan deb hisoblashadi, lekin bu soʻz 1901-yilda Djon Jak 
va uning oʻgʻillari kompaniyasi tomonidan muomlaga kiritilgan. Bu firma rasman 
roʻyxatdan oʻtkazilib, “Parker brazers” Amerikadan firma savdo belgisi bilan stol 
tennisi  uchun  sport  anjomlarni  ishlab  chiqara  boshlagan.  Bu  oʻyin  1911-  yildan 
yani stol tennisi assotsatsiyasi tuzilgandan soʻng ommalashgan. Dastlab bu oʻyini 
zodagonlar  ermak  sifatida oʻynashgan  raketasi ham  nok  shaklida  boʻlib,  uzunroq 
boʻlgan.  1920-  yillardan  boshlab  stol  tennisi  assotsatsiyalari  Yevropada  va  uzoq 
sharqda  tashkil  etildi.  Shundan  soʻng  oʻyin  qoidalarini  halqaro  standartga  solib 
olingan va 1927- yildan Londonda Stol tenisi boʻyicha birinchi jahon chempionati 
oʻtkazilgan.