Олийваўртамахсустаълимвазирлиги тошкентдавлатиқтисодиётуниверситети

Солиқ тўловчи жисмоний шахсларни рўйхатга олиш ва уларга ШКларни очиш тартиби

1. 
   Ўзбекистон Республикаси Солиқ кодексининг 68-моддасига асосан солиқ тўловчи жисмоний шахсларнинг ШКларини очиш учун асос бўлиб, ваколатли органлар томонидан солиқ объекти (мол-мулки, эр майдони, ишлатилган сув хажми) рўйхатга олинганлиги тўғрисидаги, юридик шахс ташкил қилмасдан якка тартибдаги тадбиркорлик (кейинги матнларда ЯТТ деб юритилади) фаолияти билан шуғулланувчи жисмоний шахс сифатида давлат рўйхатидан ўтганлиги тўғрисидаги хужжатлар, шунингдек, Солиқ кодексининг 189-моддасида белгиланган рўйхат бўйича даромад олган жисмоний шахслар тўғрисида олинган маълумотлар ҳисобланади.
   
2. 
   Солиқ тўловчи жисмоний шахсларнинг ШКлари Ўзбекистон
   

Республикаси ДСҚ томонидан ишлаб чиқилган ва амалиётга жорий қилинган дастурий махсулда юритилади.

3. 
   Қуйидаги солиқ тўловчи жисмоний шахсларнинг бюджет ва бюджетдан ташқари мақсадли жамғармаларга солиқ ва бошқа мажбурий тўловлар, пеня ва жарималар бўйича солиқ мажбуриятлари бажарилиши ҳисобини юритиш учун солиқ органларида ШКлар очилади:
   

ЯТТ фаолияти билан шуғулланувчи жисмоний шахсларга;
дехқон хўжаликлари (юридик шахс ташкил этмаган холда ташкил топган дехқон хўжаликлари)га;
турар ва нотурар уй-жойларга, эр участкаларига ёки бошқа солиққа тортиладиган мол-мулкка эгалик қилувчи фуқароларга;
асосий бўлмаган иш жойидан даромад олган жисмоний шахсларга.

4. 
   Солиқ тўловчи жисмоний шахс ва ЯТТ ШКлари Ўзбекистон Республикаси Солиқ кодексининг 69-моддасига асосан бюджет классификастиясига мувофиқ хар бир солиқ тўловчи учун алохида солиқ мажбуриятларидан келиб чиққан холда қуйидаги солиқлар ва бошқа мажбурий тўловлар бўйича очилади:
   

а) эр солиғи;
б) мол-мулк солиғи;
в) ЯТТга қатъий белгиланган солиқ;
г) бюджетдан ташқари Пенсия жамғармасига суғурта бадали; д) эр қаъридан фойдаланувчилар учун солиқ;
е) сув ресурсларидан фойдаланганлик учун солиқ;
ж) жисмоний шахслардан олинадиган даромад солиғи; з) бошқа тўловлар;
и) солиқ органларини ривожлантириш жамғармасига тўловлар;
к) Оддий ширкат шартномасига асосан юридик шахслар томонидан тўланадиган ягона солиқ тўлови хамда акциз солиғи (акциз солиғи тўланадиган товар ишлаб чиқарса).