Олий ва ўрта таълим

Мавзу юзасидан кискача хулоса

Ўқув фаолияти инсоннинг бутун ҳаёти давомида намоён булувчи узлуксиз жараён бўлиб, таълим бевосита муайёян ахборотни, ҳаракатларни, хулқ-атворнинг шаклларини ўзлаштиришга қаратилгандир. Билим бериш муваффақиятлари мотивацияга, маълумот усулларига, маълумотнинг
тушунарлигига, хотирага боғлиқ бўлади. Унинг самарадорлиги ўқитувчи томонидан бериладиган кўрсатмаларига ҳам асосланади. Таълим ва тарбия жараёнида ўқувчи томонидан таълимнинг ўзлаштирилиши ўқув дарсликларини мавжудлигига, методикаларнинг такомиллашганлигига, ўқитувчи маҳоратига, ўқувчининг индивидуал психологик хусусиятлари билан узвий алоқадор. Бу борада ўзига хос таълимнинг бир қатор усуллари қўлланилади. Ўқув фаолияти шундай бошқарилиши керакки, у кишиларнинг ижодий имкониятларини юзага чиқариш мумкин булсин. Руҳий холатларни ва шахс хусусиятларини инобатга олиш таълим ва тарбияда муҳим аҳамиятга эга, айниқса, акселерация жараёнини эътиборга олишлик ўқув фаолиятини самарали бўлишига олиб келади.

Мавзу юзасидан таянч иборалар:

Тарбия психологияси, психологик механизмлар, ёш, жинсий ва индивидуал типологик хусусиятлар, сенсор, мнемик, вербал ва мантиқ психофизиологик функциялари динамикаси, органик эҳтиёжлар, мотивлар, психологик компонентлар, тафаккур, ўқув фаолияти, кўникма, малакалар.

Амалий машғулотларда такрорлаш ва муҳокама қилиш учун

саволлар:

1. 
   Ўқув фаолияти ва унинг элементлари нималардан иборат?
   
2. 
   Таълим жараёнида билимларни ўзлаштириш нимага боғлиқ?
   
3. 
   Ўқиш мотивлари ва мотивацияга изох беринг.
   
4. 
   Ўқув фаолияти мотивациясининг манбаларига нималар киради?
   
5. 
   Билимларни ўзлаштириш жараёни ва унинг психологик компонентлари нималардан иборат?
   
6. 
   Кўникма ва малакалар таълим жараёнида қандай шакллантирилади?
   
7. 
   Ўқув фаолиятини бошқариш деганда нимани тушунасиз?
   
8. 
   Тарбия - бу қандай жараён?
   
9. 
   Шахсни тарбиялашнинг асосий йўналишлари нималардан иборат?
   
10. 
    Шахс шаклланишига таъсир этувчи омилларни кўрсатинг.
    
11. 
    «Тарбияси кийин» болалар классификациясини келтиринг.
    
12. 
    Тарбия жараёнининг самарадорлигини оширувчи психологик механизмлар нималардан иборат?