Олий ва ўрта махсус

3. МАЛАКАВИЙ АМАЛИЁТ МАҚСАДИ
ВА ВАЗИФАЛАРИ

Малакавий амалиётнинг мақсади – университетда олинган назарий билимларни мустаҳкамлаш ва теранлаштириш асосида уларни амалиётга жорий этиш, ихтисослик бўйича иш мазмуни, усул ва услублари билан бевосита танишиш, корхона (ташкилот)да мавжуд ва илғор иш усулларини ўрганиш, амалда фойдаланиш ҳолатларини тадқиқ этиш ҳамда улар бўйича маълумот тўплаш имкониятини яратишдан иборат.

Малакавий амалиётнинг асосий вазифалари қуйидагилардан иборат:

• 
  амалиётни ўз вақтида бошлаш, тугаллаш муддатларига қатъий амал қилиш;
  
• 
  корхона (ташкилот)да ўрнатилган ички тартиб қоидаларга риоя қилиш;
  
• 
  корхона (ташкилот)нинг тарихи ва ташкилий тузилмаси билан танишиш;
  
• 
  корхона (ташкилот)да меҳнатнинг ташкил қилинганлик ҳолатини ўрганиш;
  
• 
  ходимларнинг ҳуқуқлари ва жавобгарлиги тўғрисида тушунчага эга бўлиш;
  
• 
  корхона (ташкилот)да ходимларни рағбатлантириш тизимини ўрганиш;
  
• 
  малакавий амалиёт натижалари тўғрисидаги ҳисоботни расмийлаштириш.
  

Малакавий амалиётга назарий ўқув фанларини муваффақиятли ўзлаштирган талабаларгагина йўлланма берилади.
Талабаларни малакавий амалиётга йўллаш учун асос бўлиб университет ва корхона (ташкилот) маъмурияти ўртасида тузилган шартнома ҳисобланади.
Амалиёт бошланиши олдидан кафедра мудири, талабаларга бириктирилган профессор-ўқитувчилар иштирокида йиғилиш ўтказилиб, унда амалиётнинг мақсади, вазифалари, тартиби, муддати ва амалиётни баҳолаш рейтинг мезонлари тушунтирилади, талабаларга малакавий амалиёт дастури, кундалик ва амалиёт базасига йўлланма берилади.
Амалиётга раҳбарлик қилиш бир томондан кафедра профессор-ўқитувчиларига, иккинчи томондан корхона (ташкилот)нинг иқтисодий бўлимларининг раҳбарларидан бирига буйруқ билан юклатилади.
Амалиёт даврида талабалар университетдан ва корхона (ташкилот)дан тайинланган раҳбарлар топшириқларини бажариши, амалиёт ўташ базасидаги ички тартиб қоидаларга бўйсуниши зарур.
Амалиётчи талаба кун давомида бажарилган иши хусусияти ҳақида амалиёт кундалигига ёзиб бориш ва кун охирида уни корхона (ташкилот)даги амалиёт раҳбарига текшириш ва имзолаш учун тақдим этиши зарур. Кундалик амалиёт натижалари бўйича ва тўплаган маълумотларни университетдаги раҳбарига текшириш ҳамда кейинги бажариладиган ишларни мувофиқлаштириш учун электрон почта ёки уяли алоқа орқали қисқача ҳисобот бериб бориши лозим.