Олий ва ўрта махсус

5. МАЛАКАВИЙ АМАЛИЁТ ҲИСОБОТИНИ
РАСМИЙЛАШТИРИШ
Амалиёт даври якунида талаба ушбу дастурга мувофиқ равишда бажарган ишлари ҳақида ёзма ҳисобот тайёрлайди. Ҳисобот учун керакли материалларни тўплаш ва унинг матнини баён этиш бутун амалиётни ўташ муддати давомида амалга оширилади.
Ҳисобот икки қисмдан - матн қисми ва иловалардан иборат
бўлиши керак.
Матн қисми титул варақаси билан бошланади (I-илова).
Ҳисоботда амалиётнинг барча асосий босқичлари ва иш турлари баён этилиши лозим. Иш турларининг мазмуни кундаликдаги ёзувларга мувофиқ баён этилади.
Ушбу ҳисоботда талаба келажакда амалиёт ўташ ва ташкил этиш ишларини яхшилашга оид ўз мулоҳазаларини ҳам баён этади. Ҳисоботни аста-секин бутун амалиётни ўташ даври давомида босқичма-босқич ёзиш талаб этилади.
Амалиёт кундалиги белгиланган шаклда расмийлаштирилади ва у ҳисоботнинг ажралмас таркибий қисми ҳисобланади. Амалиёт кундалиги талаба томонидан:
а) эҳтиёткорлик билан, ўз вақтида ва имло хатоларисиз тўлдирилиши;
б) ўз қўли билан ёзилиши;
в) амалиёт даврида тасдиқланиши керак.
Амалиёт кундалиги белгиланган талаблар асосида расмийлаштирилмаган тақдирда ҳисобот ҳимоя учун қабул қилинмайди.
Ҳисобот тушунарли қилиб, А4 форматли (210-297мм) қоғознинг юқори қисмидан 2,0 см, пастки қисмидан 1,5 см, чап томонидан 3 см, ўнг томонидан 1,5 см жой қолдириб қўлёзма шаклида ёзилади. Саҳифа рақами варақнинг юқори қисмининг марказига қўйилади. Ҳисоботнинг ҳажми 25-30 бетдан (адабиёт ва иловалардан ташқари) иборат бўлиши лозим (II-илова).
Ҳисоботда қисқартириб ёзишга йўл қўйилмайди. Бошқа муаллифларнинг фикрлари қўштирноқ ичида манбаси кўрсатилган ҳолда берилиши керак. Ҳаволалар (цитаталар) ўша варақнинг пастки қисмига ёзилади.
Ҳисоботда фойдаланилган адабиётлар қуйидаги тартибда берилади:
1. Ўзбекистон Республикаси Қонунлари.
2. Ўзбекистон Республикаси Президенти Фармонлари ва Қарорлари.
3. Ўзбекистон Республикаси Вазирлар Маҳкамаси Қарорлари.
4. Ўзбекистон Республикаси Президенти асарлари.
5. Дарсликлар.
6. Ўқув қўлланмалар.
7. Статистик маълумотлар тўплами.
8. Интернет сайтлари.