Олий ва ўрта махсус таълим вазирлиги ўзбекистон республикаси қишлоқ ХЎжалиги вазирлиги тошкент давлат аграр университети

Уруғни ташқи тамондан назорат қилиш. Бу усулдан фойдаланиб уруғ юзасида рўй берган ўзгаришлар лупа ёки оддий кўз билан назорат қилинади. Бунда уруғ юзасида хосил бўлган доғлар, яралар, замбуруғ споралари аниқланади. Уруғнинг ташқи кўринишига қараб аскохитоз, фомоз, септариоз касалликлари аниқланиши мумкин. Муртакнинг қорайишини буғдойнинг гелминтоспориоз, фузариоз, алтернариоз касалликларида, моғорлаш буғдой ва маккажўхори уруғларида, замбуруғ пекнидияларини мош, каноп уруғларида кўриш мумкин. Касалик белгилари тўлиқ ифодаланмаган уруғлар қандайдир яширин белгиларни сақласа уларни такомиллашган усуллар ёрдамида аниқлаш лозим бўлади.


Центрифуга қилиш усули. Уруғ юзасида жойлашган микроорганизмлар центрифуга қилиниб, хосил бўлган споралар, мицелий бўлаклари озиқа мухити юзасига экилади ва хосил бўлган замбуруғ колониясидан унинг систематик ўрнини аниқлашда фойдаланилади.

Бу усулдан фойдаланиб уруғ юзасидаги замбуруғ спора турлари ва уруғнинг зарарланганлик даражаси аниқланади. Бунинг учун анализ учун олинган намунадан 100 та уруғ санаб олиниб пробиркага солинади. Унга 10 мл сув қуйиб 3-5 минут давомида аралаштириб турилади. Аралашма центрофуга прбиркасига қуйилиб, 3 минут давомида минутига 50 айланиш тезлиги билан айлантирилади. Пробирка тагидаги аралашма пипетка билан олиниб 5 та препарат тайёрланади. Препаратни микраскопнинг кичик обективида кузатилиб, 10 та кузатиш олиб борилади. Бунда буюм ойнаси чапдан ўнга ва ўнгдан чапга қараб харакатлантирилиб споралар сони аниқланади.

1	2	3
	5	4
6	7	8
	10	9
		59

Споралар сонини 10 марта санаш натижаси қуйидаги жадвалга ёзиб

борилади:
1 кузатишда 4 та спора	6	кузатишда 7 та спора
2 кузатишда 3 та спора	7	кузатишда 2 та спора
3 кузатишда 5 та спора	8	кузатишда 4 та спора
4 кузатишда 4 та спора	9	кузатишда 5 та спора
5 кузатишда 6 та спора	10	кузатишда 6 та спора

Шундай қилиб, 10 та кузатишда 46 та спора аниқланган бўлса, спораланинг ўртача сони 46: 10=4,6 донани ташкил этади

Олинган маълумотлар асосида уруғнинг споралашган даражасини аниқлашда қуйидаги шкаладан фойдаланилади: 2 та гача спора кучсиз споралашга, 3 тадан 10 тагача спора ўртача, 10 тадан ортиқ спорада кучли зарарланиш деб аниқланади.