Олий ва ўрта махсус таҳлим вазирлиги ўзбекистон республикаси қишлоқ хжалиги вазирлиги

Тара (идиш қоп) ларни текшириш
Бўш тара (идиш, қоп. брезент) ларда, айниқса зарарланган хўжаликдан келтирилган бўлса, кўпинча хар хил зараркунандалар—ҳашаротлар ва каналар бўлади. Шунинг учун уларни яхшилаб қараб чиқиш керак.
Оз микдордаги—100 донагача қоп бўлса, уларнинг ҳаммаси қараб чиқилади. Агар қоп 100 дан 500 тагача бўлса, имкониятга қараб, уларнинг бешдан бири ёки ундан бири қараб чиқилади. Агар қоп 1000 тагача бўлса, уларнинг ўн бешдан ёки йигирмадан бири қараб чиқилади; агар бундан хам кўп бўлса, у вақтда уларнинг ўттиздан, қирқдан ёки еллигидан бири қараб чиқилади.
Текширганда аввало қопнинг сирти, ташқи чоклари қаралади, сўнгра навбат билан хар қайси қопнинг ичи ағдарилади ва қоп ичида қолган маҳсулотлар брезентга қоқилади. Брезентга тўкилган нарсалар вақти-вақти билан тўпланади ва зараркунанда борлигини аниқлаш учун анализ қилинади. Агар текширилаётган қопда ёки қоп ичидаги қолдиқ маҳсулотларда зараркунандалар борлиги аниқланса, у вактда тара (идишлар) нинг ҳаммаси зарарсизлантирилиши лозим. Брезентнинг хам ҳаммаси албатта текширилади.


Транспортлар, машиналар ва инвентарларни текшириш
Вагонлар, автомашиналар, аравалар ва транспортнинг бошқа воситалари ёрдамида маҳсулотларнинг янги партиясини ташиш олдидан, хар сафар текширилади. Инвентарлар, маҳсулот солинадиган идишлар ва бошқа жихозлар бир омбордан иккинчи омборга кўчирилишида хам яхшилаб, синчиклаб текширилади. Бунда зараркунандаларни ёриқлардан, қоқилган тахталар остидан, яшикларнинг чанг босган ва тўкиндилар тўпланиб қолган жойларидан қидириш керак.
Омборлар атрофидаги территорияларни текшириш
Омборларни бахорда ва кузда текшириш вақтида улар жойлашган территориялар ва хўжалик майдонларни хам текшириш зарур. Бунинг учун территориянинг хар хил участкаларидан 5 см чуқурликда намуналар олинади. Намуналар аввало зараркунандалар учун озиқ-овқат бор жойлардан, яoни донлар, кунжара, чиқиндилар, тўкилган-сочилган маҳсулотлар чириндиси, супиринди ва ахлатлар босилиб, ерга ботиб кетган жойлардан олинади ва хар қайси намунанинг оғирлиги 1 кг бўлиши керак. Олинган хар қайси намуна брезентга, қопга ёки тахтага ёйиб диққат билан синчиклаб қаралади ва кўринган ҳашаротлар олинади ва хисобланади.
Текширишда кўринган каналар хисобланмайди, балки фақат зарарланиш даражаси белгиланади.
Шунингдек, ишлаб чиқариш бинолари, омборлар, бостирмалар ва хом ашё сақланган майдончаларнинг радиуси 5-10 м бўлган теварак-атрофи хам текширилади.