Олий ва ўрта махсус таълим вазирлиги ўрта махсус, касб-ҳунар таълими маркази тадбиркорлик ва бизнес асослари

ISH O‘YIN

«A va B» ish o‘yini


Maqsad: «A va B» ish o‘yini qatnashuvchilarga xususiy tadbirkorlik salohiyatini baholash, har bir biznes asosining yaratilish doirasida nazariy qismini o‘zlashtirish va amaliy malakaga ega bo‘lish imkonini yaratadi.

O‘yin davomiyligi:

2 soat, tanaffussiz, ikki qismga ajratish bilan.

Materiallar:

Baholar hisobi jadvali — 3 nusxa (1-ilova). Birinchi hisob-kitob sxemasi — 4 nusxa (2-ilova). Ikkinchi hisob-kitob sxemasi — 4 nusxa (3-ilova). Uchinchi hisob-kitob sxemasi — 4 nusxa (4-ilova). Javoblar natijasi kartochkasi — 60 dona.
Barcha natijalar jadvali — 1 varaq (5-ilova). Markerlar komplekti — 2 komplekt.
Yelim — 1 dona.

O‘yin tartibi:

Vazifani tushuntirish — 5 minut.
O‘yin jarayonini tushuntirish — 10 minut. O‘yinni rejalashtirish — 10 minut.
O‘yin jarayoni — 50 minut. Natijalarni muhokama qilish — 15 minut.

«A va B» ish o‘yinini olib borishni bosqichma-bosqich boshqarish.

1. 
   O‘yin topshiriqlari bilan tanishish.
   

O‘rganish jarayonida amaliy qism masalalariga e’tibor qaratiladi. Guruh qatnashchilari ish o‘yinida faoliyat yo‘nalishlarini tanlab, o‘zlarining faoliyat natijalarini baholashadi.

2. 
   Guruhlarni tashkil etish.
   

Qatnashuvchilar uch guruhga bo‘linib, ularning har biri o‘z nomlariga ega bo‘ladilar: «Qizil», «Ko‘k», «Yashil». Guruhlarni tanlash erkindir.

3. 
   Yordamchilarni tayinlash.
   

Qatnashuvchilardan ikki kishi tanlanib, ular guruhlardan ma’lumotlarni yig‘ish va olib boruvchidan guruhlarga ma’lumotlarni yetkazish vazifasini bajarishadi.

4. 
   «A va B» ish o‘yini qoidalarini tushuntirish.
   

O‘yin o‘n bosqichdan iborat. Har bir bosqichda barcha guruh «A» yoki «B»ni tanlash haqida qaror qabul qiladi. Ushbu qaror olib boruvchiga yetkaziladi va olib boruvchi tomonidan yig‘ma javoblar tayyorlanadi hamda barcha ma’lumotlarni yig‘ma hisobotda aks ettirib, yordamchilar orqali tegishli javob kartochkalarini qaytaradi. Xuddi shu tartibda o‘yinning 10 bosqichi amalga oshiriladi. O‘yinning har bir bosqichi natijalari olib boruvchi flip chartda joylashgan jamlanma sxemasida aks ettiradi.
O‘yinning uch bosqichidan so‘ng, o‘yin taktikalarini o‘zgartirish takliflari bo‘yicha guruhlarga xabarnomalar almashuvi ruxsat etiladi (javobsiz), guruhlar xabarnomalar yuborish yoki kelgan xabarnomalardagi taklif etilgan shartlarni qabul qilishga majbur emas. Xabarnomalar guruhlar tomonidan to‘ldiriladi va yordamchilar orqali berib yuboriladi.
O‘yinning besh bosqichidan so‘ng, guruhlar sardorlari o‘yinning strategiyasi muhokamasi yuzasidan taklif etiladi. Muhokamadan so‘ng, ballarni hisoblashning yangi sxemasi tarqatiladi.
O‘yinning sakkiz bosqichidan so‘ng ballarni hisoblashning yangi sxemasi tarqatiladi.
O‘yinning o‘n bosqichidan so‘ng, guruhlar ballarni hisoblashadi.