Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

Иккинчи босқич (параметрларни ўзаро боғланишини аниқлаш, аниқловчи тахлил).
Параметрларнинг ўзаро таъсирини аниқлаш мақсадида компьютер моделлаштириш услуби қўлланилган. Компьютер модели, тўртинчи иерархик сатҳ жараёнларидан бошлаб тузилган. Хусусан: экстракцияланувчи материал заррачасининг квази қатлам даражасидаги жараён компьютер модели шакллаштирилган.
Бунда, объект кўриниши ва қўйилган масала мазмунига қараб ҳар бир тадқиқотчи, тадқиқот олиб борилаётган ўз соҳаси услубларининг катта имкониятларидан фойдаланиши мумкин.
Параметрларнинг миқдор муносабатларини аниқлаш, матеметик ифодалардан фойдаланишни талаб этади. Бу эса математик ёки компьютер моделларига мурожат этишга олиб келади. Параметрларнинг ўзаро боғланишлари аниқлангандан сўнг, оптимал тизимни қидиришга ўтиш мумкин.
Учинчи босқич (оптимал ечим танланиши).
Ўзаро боғланишларни аниқланиш оптимал ечим топиш имконини беради. Бунда, тизимли таҳлил асосида шаклланган талаблар аниқлаштирилади ва конкретлаштирилади. Бирламчи тизим, ҳамда ҳар иерархик поғонадаги тизимлар учун оптималлаштириш шартлари танланади. Оптимал ечим топиш усули танланади. Оптимал ечим топилади.
Биринчи босқич - тизимли таҳлил бошланиши, барча фанлар учун универсал бўлиши мумкин. Иккинчи ва учинчи босқичлар, ҳар бир соҳада қўйиладиган масалага боғлиқ ҳолда бажарилиши мумкин.
Тизимли таҳлил оптимал тизимларни қидиришнинг фанларда мавжуд бўлган кўплаб ҳар хил усулларига йўл очиб беради.
Ҳар бир тизимни таҳлили учун алгоритмик формула таклиф этилган:
Бунда, тизимни ва унда содир бўлаётган жараённи биргаликда кўринишни ифодалайди, тизим ва жараённинг барча зарурий параметрларини белгиланади, бу параметрлар сўнгра кириш ва чиқиш параметрларига ажратилади.
Шундай қилиб, ҳар бир текширилаётган элемент - тизимда кўплаб жараёнлар содир бўлади, ундан тадқиқот этилиши лозим бўлган жараёнлар танланади. Тизим билан жараён ўрганилиб, тизимга ҳамда жараёнга таллуқли параметрлар аниқланади. Танланган тизимда параметрларнинг бир-бирига таъсирини аниқлаш учун, тизим ичига кетма-кет қадамба-қадам кириб борилади.