Олабўжи романдан катта хикоя

вазият ҳоким, столчада тағин нималардир бор, аммо устига оқ дока ёпиб 
қўйилган эди. 
Баҳор бурчакка ўтиб, тағин магнитофонни қўйди. Зум ўтмай ундан 
Хуррам девонанинг мунис ювози эшитила бошлади: 
 
Айрулиб мен ёрдин бир неча кун бўлдим жудо,
 
Ахтариб келдим сени, ороми жоним, қайдасан?
 
Неча кундур бу кўнгул муштоқи дийдоринг эрур... 
Ултонга шундай туюлиб кетдики, бу қўшиқ ҳам ўзига аталган, ҳа-
ҳа, тўй арафасида келмаги, демак, келса, эшитмаги учун қўйиб 
қўйилгандай эди. 
Лекин дарҳол бу ўйи пучга чиқди: ахир куни кеча-тўй куниям бу 
магнитофони тасмаси айлангандир ахир... 
Шунда (қизиқ!), Баҳор бирдан уни ўчириб, чуқур уҳ тортди. 
– Ётамиз... Йўқ, олдин жиндак ўтирамиз... Хўш, – у столча қошига 
борди-ю, бирдан “ўғри” эшикка тикилиб қолди. Сўнг уни очиб 
24
Қадимий ўймакор курси. 

---

395 
ташқарига зеҳн солди. Ва ёпгач, Ултонга тикилиб кулумсиради. – 
Эсладингизми? 
– Албатта. 
– Эй, шунақа қилиб яшайверсак-чи? Сиз ўғринча келиб 
кетаверсангиз?
Ултон кулиб юборди. 
– Майли. – Сўнг жиддий тортиб қўшимча қилди: – Лекин баъзида 
бир ўзингиз қолишингизга тўғри келади... 
– Вой-вой, ҳазил қилдим-ку? 
– Баҳор, ишонинг, киши баъзида ёлғизликни истайди... Бундан 
ташқари, менинг тоғ-тошга боришим бор. 
– Тавба, сиз чини билан... 
– Омади гапни айтдим-да. 
– Ҳа-а. Лекин битта бўлсаям яхши хонани... ҳим, жиҳозлаб беришса 
бўларди. 
– Бўлади. 
– Музика қўяман! 
Ултон оромкурсига чўкди. “Ту”ни ёнидан чиқарди-ю стол 
четидаги мармар кулдонни тортганди, унда сигарет қолдиғини кўрди.