Олабўжи романдан катта хикоя

– Бўтабой Сўпи билан ҳамми? 
– Йўғасам-чи! 
– Наби, – Ултон унинг тиззасига қўл қўйди – мошина секинлади. – 
Айтгин-чи, Бўтабой Сўпининг давраларида сен ҳам... 
Наби шартта кесди: 
– Осиб қўйдим даврасини! – деди. – Ҳе-е, бундан беш-олти ой бу-
рун... ишга кирган паллаларим эди. Сал эркинсираб меҳмонхонасига 
кириб қолдим. Энағар-е, ёмон бир гап қилди: “Ҳар кимнинг ўз жойи 
бўлади, камсамол”, деди. Шу! Умуман, яқинлашмайман дачасига! 
– Ҳим, яхши одат бу, – минғирлади Ултон. – Лекин, кимлар 
бўлишини биласан-а? 
– Э, менга нима кераги бор! – Наби “Газик”ни четга буриб 
тўхтатди-да, коньякни очди. Ғаладондан пиёла олиб, қуйди. – 
Кечирасиз, – дея отиб олди. Кейин чўнтагидан қурут олиб тишлади. 
Ултон сигарет тутатди. 
– Менгаям қуй. 
Наби пиёлани чайиб, ярим қилиб тутди. Ултон ҳам ичиб, қурутдан 
шимаркан, назарида, бу тунда ҳам нималардир бўладигандек туюла 
бошлади: яна Баҳорнинг уйига... 
“Йўқ-йўқ, уям тўй ташвишида... – деб ўйлади. – Балки 
амбулаторияда йўқдир? 
Укасидан қўрқар экан-а? 
Энди, ўғил бола опасини қизғанади...” 
– Нега сўрадингиз, домилла? 
– Нимани? А-а-а. Кечирасан, ўзим ҳам билмайман. 
...Мактаб атрофида чироқлар ёниқ, ҳамон тарақ-туруқ эшитилар 
эди. Чойхонага етганда, Ултон: 
– Братни уйига ҳайда! – деди. 
Наби “Газик”ни ҳаш-паш дегунча бозорчадан ўтказиб тўхтатди. 
Бир неча дақиқадан кейин Ултон, Наби ва Абдуқаюм чўнг 

---

230 
харсангтош ёнида – ўша қўлбола стол теварагида ўтиришар, шишадаги 
ичимлик яримдан пастлаган, Ултон ҳорғин, ўртадаги гурунгу Набининг 
кулдириш учун қилган ҳаракатлариям унга кор қилмас эди. Чўғ