Олабўжи романдан катта хикоя

экан – унинг бахти! – Сўнг ҳовлиқиб кетди. – Унинг кўзи очилади... 
– Шу, шунинг учун... – дея Хуррам дарвеш ён-верига – гўё 
музейнинг бошқа хоналарига ғарибона разм солди. – Баҳоли қудрат... 
Шу пайт мошина сигнали эшитилди. 
Хуррам бармоғини лабларига босди. 
– Гулдир-гуп. 
Ултон ғамгин ирғалди: ҳа, тепалик сирини ҳеч ким билмаслиги 
керак. 
Билса... кўрсичқонга
15
 айланади. 
– Мен учун энг бахтиёр кун – бугун, – деди Ултон ниҳоят. – Сизга 
14
Деворий нақшмонанд ҳайкаллар – фреска. 
15
Крот. 

---

225 
минг раҳмат. Тўй ўтсин... Айтмоқчи, – унга майин кулумсиди, – “Келин 
ким” деб нега сўрамайсиз, Хуррамжон? 
Хуррам бошини эгиб, бир он тек қолди-да, кейин: 
– Ака, менда бир ақида бор, – деди. – Яхшими, ёмонми – 
билмайман, аммо у шундан иборатки, бировларнинг хотини, қизи, 
синглиси-опаси, хуллас... 
– Тушунарли, – деди Ултон. 
– Шу, мени қизиқтирмайди. 
– Ажойиб. 
– Муҳаммад Расулуллоҳ айтибдиларки, аёл зотини ҳурмат килмоқ 
лозим, зеро, у сенга ҳам Она, ҳам Сингил, ҳам Хотин: бари аёлдандир. 
Демак... 
– Рахмат! – деди Ултон ўзини тийолмай. Ва алами келиб кулди. – 
Бу ҳикматни гўё... XX асрда кашф этганга ўхшаймиз. Шундаям оғизда, 
шеърларда... – у тўлиқиб кетди. – Митрани эсланг, Хотин худосини! 
Буддапарасликдан олдин... а? Ўтпарастлик ақидаларини эсланг! 
Анахитани! Грекларда ҳам, бизда ҳам! – Кейин, бу гапи мобайнида 
хотирасида уйғониб бўлган нарсани айтиб юборди: – Сизда Хотин 
худосининг қолипи борми? Эсланг, редакцияда айтгандай бўлувдингиз... 
Девона табассум қилди.