Ой мавзуси:”Гўзал баҳор” Ҳафта мавзуси:”Мавсумий ўзгаришлар”. Мартнинг ойининг 2- ҳафтаси

Болалар: (Ҳа, унга ёрдам берамиз. Биз кўп нарсани биламиз.)
Тарбиячи: Болалар қаранглар, томчилар осилиб турибди, Баҳор сизларга топишмоқ айтмоқчи уни топамизми?
Болалар: (Ҳа)
Тарбиячи: Бизга Баҳор ёрдамга булут томчиларини жўнатибди. Қани улардан бирини олиб ўқиб кўрайликчи.(№1-томчи)
(Тарбиячи олдиндан тайёрлаб қўйилган булутли ёмғир томчиларининг бирини олади ва орқасида ёзилган топишмоқни ўқийди).
Тарбиячи:
Ташриф қилди ҳовлимизга
Шамоллар ва ёмғирлар.
Дарахтлар куртак ёзиб
Ҳатто келди қушлар ҳам
Баҳорга берди зўр старт.
Бу ойнинг номи бил..........(Март)
Болажонлар боғча ҳовлимизга кириб келган баҳор шамоли табиатимизнинг барча ҳодисаларини ўзгартириб юборди. Келинглар уни ўз ўрнига қўйиб Баҳорга ёрдам бериб “Бўлади-бўлмайди” ўйинини ўйнаймиз. Мен сизларга сўзлар айтаман сизлар эса тўғри бўлса “бўлади” дейсизлар агар нотўғри бўлса “бўлмайди” деб айтасизлар.
“Бўлади-бўлмайди” номли сўз ўйини.
-Баҳорда қуёш ёрқин нур сочади.......
-Баҳорда дарахтлар сариқ баргларини тўкадилар.......
-Баҳорда қорлар эрийди.......
-Баҳорда ўрмонларда қўзиқорин терилади.......
-Баҳорда одамлар иссиқ кийимларини ечадилар ва енгилроқ кийимларини киядилар.......
-Баҳорда ҳосил терадилар......
-Баҳорда ёмғир ёғади......
-Баҳорда болалар Қор одам ясайдилар.....
-Баҳорда илк гуллар пайдо бўлади......
-Баҳорда қушлар иссиқ ўлкаларга учиб кетадилар.....
Тарбиячи: Баракалла болажонлар. Ҳаммаларинг дўстона жавоб бериб топшириқни аъло даражада бажардиларинг. Болажонлар қаранглар яна битта ёмғир томчиси мени ол деб илтижо қиляпти оламизми?(№2-томчи).
Болалар: (Ҳа)
(Тарбиячи олдиндан тайёрлаб қўйилган булутли ёмғир томчиларининг бирини олади ва орқасида ёзилган саволни ўқийди.)
Тарбиячи:
Қиш жуда узоқ бўлди,
Мана, Баҳор ҳам келди.
Байрамларни ўтказдик
Зўр шеърларни ёдладик.
Менда бордир бир савол
Шеърлар ёдингиздами?
Қани бир эслаб кўринг.