Оила кутубхонаси бахтли бола маънавияти

Мен сени яхши кўраман 
 
Суйилмаган болалар суя
олмайдиган катталарга айланишади. 
П.Бак. 
 
 
Сўралганларнинг 20%и ота ёки онасининг уларга “Мен сени яхши 
кўраман”, деган гапларини эшитишмаган. Бу фикрга кўпчилигимиз 
қўшиламиз. Бунга сабаб ота-оналаримизнинг ота-оналари тарбияга ХХ аср 
бошидаги оғир, бешафқат шароитдан келиб чиқиб ёндашганларида. “Болани 
қанча қийнасанг, қўрқса, кейин шунча меҳрибон бўлади”, деб қарашда.
Ота-она албатта боласини яхши кўришади. Лекин ўзбекчиликда бу очиқ 
айтилмайди. Боламиз ота-онаси уни яхши кўришини билади. Бу ҳаммага 
маълум-ку, деб ўйлашади. Бу – хато ёндашув. Ҳаммага маълум нарсаларни 
ҳали бола билиб олмаган. Чунки у ҳали ҳамма – жамиятга энди кириб 
бораяпти, ижтимоийлашаяпти. У бугунгача эшитган, кўрган нарсаларига 
ишонади.
“Ота-онам мени яхши кўришади”, деган ишончни ота-она айтишмаган, 
билдиришмаган бўлса, у қаердан билсин? Ота-она кўпинча хўмрайиб 
қарашларини “мени ёмон кўришганидан”, деб қабул қилади. Отаси, онаси 
боласига ўз туйғуларини очиқ айтиб келган оилаларнинг болалари 
муваффақият қозонган, омадли, бахтли одамларга айланишган. Чунки улар 
иккиланмай, тушкунликка тушмай, орқаларида мустаҳкам таянч борлигидан 
кўнгиллари тўқ, хотиржам яшашган.
Ота-она боласини ҳеч қандай шартларсиз, эвазсиз севишларини 
билдиришлари керак. Демак, “Сен кефир олиб келмадинг. Энди сени яхши 
кўрмайман”, демаслик керак. Яхшиси: «Мен сени жуда яхши кўраман. Лекин 
дўконга бориб кефир олиб келмаганингдан хафа бўлдим», дейиш керак. 
Болангизга уни доим яхши кўришингизни, ҳатто бирор ёмон иш қилганида 
ҳам, узоқда бўлса ҳам яхши кўришингизни айтинг. У билсин. Ҳар бир тирик 
жон меҳрга интилади.
Агарда болалигидан ўзи ҳақида яхши таасуротларни сингдириб бориш 
керак. Ана шунда келажакда у янги, нотаниш одамлар, нотаниш муҳитга 
тушганида ўзини хор тутмайди. Ўзини ҳурмат қилади. Уни ҳурмат 
қилмайдиганлар билан мулоқатга киришмайди.