Оғиз бўшлиғи аъзолари ва юз-жағ соҳалари тўқималарини

Болалар юз-жағ жароҳатлари таснифи 
Болаларда 
юз–жағ 
тўқималарининг 
травматик 
жароҳатлари 
қуйидагиларга бўлинади: 
1. 
Юмшоқ тўқималар жароҳатлари. 
2. 
Юз–жағ суяклари ва тишларнинг жароҳатлари. 
287 

---

3. 
Аралаш жароҳатлар – суяк ва юмшоқ тўқималар: юз ва жағларнинг ҳар 
хил соҳаларида кузатиладиган жароҳатлар: жағлар синиши ва юмшоқ тўқималар 
шикастлари, юзнинг нуқсонли жароҳатлари ва юз суяклари жароҳатлари. 
4. 
Биргаликда юзага келувчи жароҳатлар – бунда юз-жағ тўқималари 
жароҳатларининг – бош мия, кўз, қулоқ-томоқ-бурун аъзолари жароҳатлари билан 
бирвақтда учраши тушунилади. 
Юз-жағ соҳаси тўқималарига ташқаридан таъсир этган куч натижасида 
юз-жағ аъзоларининг анатомик тузилиши ва фаолиятининг бузилиши билан 
боғлиқ бўлган ҳолат - жароҳат- юзага келади. 
Болаларда ўсиш ва ривожланиш даврининг турли босқичларида 
учрайдиган жароҳатлар болалик травматизми (жароҳатланиши) деб аталади. 
Жароҳатловчи омиллар жуда ҳам турли туман бўлиб, улар қандай вазиятда 
ва шароитда таъсир этганлигига кўра қуйидаги туркумларга ажратилади. 
Туғилиш жароҳатлари.
Чақалоқ туғруқ йўлларидан қийналиб 
ўтаётганида доянинг унга ёрдам бериш учун қилган ҳаракатлари ва реанимацион 
тадбирлар натижасида пастки жағ ва пастки жағ бўғим ўсиғига етказиладиган 
жароҳат; Туғилаётганда олинган жароҳат ўз вақтида ташхисланмайди, оғиз 
очилиши чегараланганлиги ёки юз соҳасида асимметрия сезилгандан сўнггина 
аниқланади. 
Маиший жароҳатлар
болаларда учрайдиган барча жароҳатларнинг 70% 
ташкил қилади. Улар кўпинча баландликдан йиқилиш, ҳар хил жисмларга 
урилиш, қайноқ ёки заҳарли суюқликларни ўзига ағдариб юбориш, очиқ аланга, 
электр асбобларидан нотўғри фойдаланиш оқибатида келиб чиқади. 
Маиший жароҳатлар кўпроқ гўдакларда ва мактабгача бўлган болаларда 
учрайди. Болалар ўсиб, ҳаётий тажрибаси ошган сари бундай жароҳатлар камайиб 
боради. Маиший жароҳатларнинг олдини олиш учун боларни парваришлаш ва 
тарбиялашни тўғри ташкил қилиш мақсадга мувофиқдир.