Оғиз бўшлиғи аъзолари ва юз-жағ соҳалари тўқималарини

 
3 босқич
– 
фиброз босқичи. Без буришиб, қаттиқ бўлиб қолади. 
Лимфогранулематоз касаллигидада – организм заҳарланиши туфайли тана 
ҳарорати кўтарилади, конда ЭЧТ ортади, анемия белгилари кузатилади. Гипохром 
анемия келишини кўпчилик изланувчилар талоқ ва қорин орти пардалар 
(ретроперитонеал) лимфатик безлари патологик жараёнга жалб этилиши билан 
изоҳлайди. Касаллик авжида, лейкоцитлар сони лейкопения ва эозинофилия 
даражасигача камаяди. Анемия, заҳарланиш ва дармонсизланиш натижасида 
215 

---

миокардда иккиламчи дистрофик ўзгаришлар содир бўлиб, юрак қон-томир 
етишмовчилигини юзага келтиради. 
Лимфогранулематоз ошқозон-ичак тизимини ҳам шикастлайди. Бу 
касалликда лимфа безлардан сўнг, иккинчи ўринда талоқ зарарланади, жигарни 
шикастланиши касалликни кечишини сезиларли оғирлаштиради. 
Лимфогранулематоз кенг кўламда тарқалган даврида, паренхиматоз 
аъзолардан ташқари, бевосита ёки гематоген йўл билан суякларга ўтади. 
Қиёсий ташҳис ўтказилади: 
Одонтоген ва ноодонтоген лимфаденит билан 
Силдаги лимфаденит билан
Ретикулез 
Лимфосаркома 
Брилл – Симмерс ўсмаси билан
Лимфаденит 
билан қиёсий ташҳис ўтказилаётганда, унга хос бўлган 
қуйидаги тавсифли белгиларга асосланиш керак: 
– 
инфекцион лимфаденит безлар кўп жойлашган соҳаларда учрайди,
думалоқ шаклда бўлиб, пайпаслаганда оғрийди; 
– 
безнинг катталашишини бирон сабаб (тиш касаллиги, ринит, тонзилит ва 
бошқалар) билан боғлаш мумкин; 
– 
яллиғланиш жараёнигага хос бўлган барча белгилар мавжуд бўлади; 
яллиғланишга қарши ўтказилаётган даволаш чоралари натижасида без 
соҳасида сезиларли ўзгаришлар кузатилади; 
– 
безда яллиғланиш кечаётганлиги лаборатор ва функционал текширув 
(қон таҳлилида, термовизиография УТТ ва бошқа)лар натижасидан тастиқланиши 
мумкин.