Оғиз бўшлиғи аъзолари ва юз-жағ соҳалари тўқималарини

Даволаш:
ҳар қандай лимфаденитларни даволаш сабабини бартараф 
этишдан бошланади. 
Одонтоген
лимфаденитларда сабабчи тишнинг тақдири ҳал қилиниши 
керак. Бунда болани ёши, тиш илдизларининг шаклланиши ёки сўрилиши ҳамда 
уларнинг функционал ҳолати ҳисобга олинади. Зардобли
 
лимфаденитда 
консерватив даволаш чоралари барвақт бошланган бўлса, тузалиш эҳтимоли 
баланд бўлади. Дастлаб антибактериал ва яллиғланишга қарши дорилар 
буюрилади. Дастлабки 2-3 сутка ўтгандан сўнг, шифокорга мурожаат қилган 
болаларга гидрокортизон эритмаси, фонофорези, ДМСО электрофорези, лазер 
нурлари билан даволаш яхши самара беради. Қўлланма ва дарсликларда ўткир 
210 

---

зардобли лимфаденитни даволаш учун иситувчи ярим спиртли компресс, парафин 
аппликацияси ёки малҳамлар билан Вишневский-Дубровин бўйича боғламлар 
тавсия этилган. Бўлар касаллик бошланган биринчи кунлар яхши самара беради. 
Кечиқиб (3-4 кунда сўнг) мурожаат қилган беморларда бу муолажалар 
яллиғланиш белгиларини янада кучайтиради, маҳаллий ҳарорат кўтарилади – 
микроблар кўпайиши учун қўлай шароит яратилади (зардобли яллиғланиш 
йиринглига ўтади). Малҳамли боғламлардан узоқ фойдаланиш тер ва ёғ безлари, 
соч пиёзчасининг кислород билан таъминланишига салбий таъсир қилади. 
Юқоридагиларни инобатга олиб, кеч мурожаат қилган болаларда гипотермия 
(совуқ билан таъсир этиш)дан фойдаланиш афзал. Гипотермия шишни 
камайтиради, оқсиллар парчаланиши ва микроблар кўпайишини сусайтиради. 
Ацидоз ва тўқима гипоксиясини камайтиради, тугунда кечаётган энергетик 
алмашинув пасаяди. 
Йирингли лимфаденитни
даволашни асосий йўли – жарроҳлик усули. 
Операция стационар шароитида, умумий оғриқсизлантириш остида ўтказилади. 
Кесма йўналиши табиий бўрмалар бўйлаб ёки уларга параллел қилиб чизиб 
олинади. Тери, тери ости ёғ қатлами ва лимфа тугун капсуласи тенг (бир хил) 
узунликда кесилади (ажралма чиқиши осон бўлиши учун) ва йирингли ўчоқда 
қуйдаги тартибда санация ўтказилади: 
– 
Лимфа тугунини йирингли емирилган паренхимасини қириб тозаланади; 
–
Ярада резинали чиқаргич қолдириб дренажлаш; 
Ярага NaCl нинг (10%) гипертоник ёки 5% ДМСО эритмаси билан боғлам 
қўйилади. 
Яранинг йирингдан тозаланишини таъминлаш мақсадида физиотерапевтик 
муолажалар (ферментлар электрофорези, ЮЧТ, магнит майдони билан таъсир 
этиш, гелий-неон лазер билан нурлантириш) ўтказилади.