Оғиз бўшлиғи аъзолари ва юз-жағ соҳалари тўқималарини

Топографик-анатомик; 
А) Тўқималарда жойлашишига кўра – юза ва чуқур. 
Б) Соҳалар бўйича – жағ ости, энгак ости, жағ орти, лунж, қулоқ олди-
чайнов. 
Инфекциянинг кириш йўллари; 
А) одонтоген
Б) ноодонтоген – респиратор ва вирусли инфекция, сепсис, хусусий 
(специфик) инфекция (ОИТС, захм, сил, актиномикоз), метастазлар 
Клиник кечиши бўйича; 
А) Ўткир (зардобли, йирингли) 
Б) Сурункали (гиперпластик, йиринли) 
В) Ўткирлашган сурункали лимфаденитлар. 
205 

---

Одонтоген зардобли лимфаденит 
Шикоятлари:
ўткир одонтоген зардобли лимфаденитда (lymphoadenitis 
odontogenica seroza acutae) 
аксарият беморлар анатомик соҳалар (жағ ости, жағ 
орти, қулоқ олди, лунж, энгак ости)дан бирида думалоқ (нохот, данак, бодомдек) 
шиш пайдо бўлганлиги ва пайпаслаганда оғришига шикоят қиладилар. Шишнинг 
юзага келиши, бир неча кун аввал, емирилган тишда оғриқ бўлганлиги билан 
боғланади. 
Клиник манзара:
боланинг аҳволи яхши, айрим ҳолларда тана ҳарорати 
бир оз кўтарилган бўлади. Кўздан кечирганда, чегаралари аниқ, думалоқ, 
шарсимон, пайпасланганда оғриқли, ҳаракати чегараланган тугун аниқланади. 
Шиш усти тери ранги ўзгармаган, бармоқлар ёрдамида бўрмага йиғилади. Оғиз 
бўшлиғи кўздан кечирилганда касалланган томон сут ёки доимий тишларнинг 
бирида, чуқур кариес коваги бўлиб, тишнинг ранги ўзгарган, перкуссияси 
оғриқлилиги (ўткирлашган сурункали периодонтит) аниқланади. Сабабчи тиш 
атрофидаги шиллиқ парда қизарган, тиш-милк чунтагидан ажралма чиқиши 
мумкин. УТТга кўра зардобли лимфаденит икки хил кўринишда бўлиши мумкин: 
тузилиши гипоэхоген – ҳар хил даражада катталашган, чегараси аниқ, зич 
тузилиши (5-25 бирлик)га эга, ёки тузилиши изоэхоген – чегараси аниқ, маркази 
бироз гиперэхоген кўринишда лимфа без визуаллашади. Соғлом без УТТ 
аппарати мониторида одатда “изоэхоген”, маркази “гиперэхоген” тузилишга эга 
кўринишда бўлади. Зичлик гистограммани шакли билан аниқланади. Тўқима 
(лимфа бези) етарли даражада зич бўлса, учбурчак шаклдаги гистограммани асоси 
кенг (учбурчак асоси қанча кенг бўлса, тўқима зичлиги юқори) бўлади. 
Текширилаётган соҳада зичлик паст (суюқлик бор) бўлса, гистограмма учбурчаги 
асоси тор бўлади ёки ордината укига параллел жойлашади.
Зардобли лимфаденит барвақт аниқланиб, рационал даволаш чоралари 
ўтказилса, яллиғланиш жараёни қисқа вақт ичида сўрилиб кетади, акс ҳолда 
йирингли шаклга ўтади.