Оғиз бўшлиғи аъзолари ва юз-жағ соҳалари тўқималарини

Тугунда лимфа суюқлиги ҳаракати.
Тугунга лимфа олиб келувчи 
томирлар тугуннинг қабариқ томонидан кириб, у дастлаб чекка ёки капсула ости 
синуслари (sinus subcapsularis)га қуйилади. Бу синуслар тугун капсуласи ва 
фолликуллар орасида жойлашган бўлади. Уларнинг ташқи деворини ҳосил 
қилувчи эндотелий ҳужайралари базал мембранада ётиб, тузилиши жиҳатдан 
лимфа томирларининг эндотелий ҳужайраларидан деярли фарқланмайди. 
Синусларнинг фолликулларни қоплаб турувчи ички деворида эса эндотелийга 
ўхшаш яссиланган ретикуляр ҳужайралар бўлиб, уларнинг орасида ёриқлар 
кўринади, лекин бу ерда базал мембрана бўлмайди. Эндотелий ҳужайралари 
орасидаги ёриқлар орқали, тугунда ҳосил бўлган янги лимфоцитлар лимфага 
тушиши ёки, аксинча, лимфа суюқлигидан тугунга ўтиши мумкин. Лимфа чекка 
синуслардан оралиқ синусларга ёки фолликулар ва трабекулалар орасида 
жойлашган синусларга (sinus corticalis perinodularis) ўтади. Улардан лимфа 
суюқлиги мағиз моддага ўтиб, бу ердаги мағиз тасмалар ва трабекулалар 
204 

---

орасидаги мағиз синуслар (sinus medullaris)га куйилади. Шуни таъкидлаш 
керакки, оралиқ ва мағиз синусларининг девори юқорида кўрсатиб ўтилган чекка 
синусларнинг айнан ички деворига ўхшаш тузилишга эга бўлади. Уларда ҳам 
эндотелий ҳужайралари орасида ёриқлар бўлиб, эндотелий ҳужайралари орасида 
макрофаглар учрайди. Мағиз синусларидан лимфа суюқлиги дарвоза соҳасида 
жойлашган марказий синус (sinus centralis)га йиғилади ва тугуннинг дарвозасидан 
олиб кетувчи лимфа томири орқали чиқиб кетади. 
Тугундан ўтиш давомида лимфа суюқлиги ёт антигенлардан тозаланади, 
янги лимфоцитлар ва антителолар билан бойитилади. Лимфа тугунларининг ёт 
заррачалар ва ўсма ҳужайраларини ўзида тўтиб қолиш ҳусусияти, уларнинг турли 
касалликларда ўзгаришига олиб келади. 
Қон айланиши.
Артерия тугун дарвозаси орқали кириб, асосан, икки 
қисмга тармоқланади. Биринчи қисми капсула ва трабекулалар томон йўналса, 
иккинчиси пўстлоқ ва мағиз моддаларда капиллярлар тўрини ҳосил қилади. Бу 
тўрдан посткапилляр венулалар бошланиб, улар веналарга йиғилади ва тугун 
дарвозасидан вена шаклида чиқиб кетади. Соғлом организмда ҳеч қачон 
синусларда қон учрамайди.
Лимфа безлар яллиғланишини таснифи уч тамойилга асосланган: