Оғиз бўшлиғи аъзолари ва юз-жағ соҳалари тўқималарини

Беморлар 
– 
милкларида ўсма ҳосил бўлганлигига шикоят қиладилар. 
Эпулисларнинг 
клиник манзараси:
– 
уларнинг гистологик тузилишига 
бевосита боғлиқ бўлади боғлиқ. 
Фиброз эпулисда
– 
овал ёки нотўғри шаклдаги асоси кенг, ранги –
атрофдаги соғлом тўқимадан очроқ, пайпаслаганда зич, ва оғриқсиз ўсма, қонашга 
мойил. 
Ангиоматоз эпулис
– 
милкдаги тўқ қизил, гоҳида кўкимтир, юзасида эро-
зиялари бўлган, тегилганда қонаб кетадиган ўсма. Юзаси ғадир-будур бўлиб, 
диаметри 1-1,5 смгача етади. Тез ўсади. Рентген суратида – гемангиомаларга хос 
белгиларни кузатиш мумкин. 
Гигант ҳужайрали эпулис 
– 
ҳар хил (юмалоқ, овал, нотўғри) шаклдаги 
асоси 0,5-3,0 см бўлган, юмшоқ ёки бир оз эзилувчан (зич-эластик) консистен-
циядаги, пайпасланганда оғриқсиз ўсма. Одатда, доимий тишлар соҳасида учрай-
ди. Кўпроқ 12-16 ёшдаги қизларда кузатилади. 
Рентген тасвирида 
– 
альвеоляр ўсиқ суягида остеопороз ўчоқлари 
аниқланади, периостал реакция белгилари бўлмайди. 
Даволаш 
– 
ўсма соғ тўқима чегарасида суяккача кесиб олинади. Суякда 
деструкция ўчоқлари мавжуд бўлса, соғ тўқимагача қириб олинади. Операцион 
яра йодоформли дока билан ёпилади. Рецидив кузатилиши мумкин. 
Невринома
– 
нерв толаларини уровчи парда Шванн қобиғи 
(perineurium)дан ўсади. Нерв толаси бўйлаб жуда секин ўсади. 
Бемор– секин ўсувчи ўсмага 
шикоятлар 
қилади. 
Клиник манзараси: 
овал ёки нотўғри шаклдаги, зич консистенцияли, бир 
оз сарғиш, диаметри 0,3 – 1,0 см бўлган, капсулага эга ўсма, фибромалардан 
фарқлаш (дифферинциаллаш) лозим. 
Невриномалар– жарроҳлик усулида даволанади. 
481 

---

Юз- жағ соҳалари томирлари ўсмалари 
Гемангиома
– 
қон томири эндотелиал ҳужайраларининг пролиферацияси 
туфайли ҳосил бўлган хавфсиз ўсма. Бу ўсма бола организмининг ўсишидан қатъи 
назар, пролифератив ўсади, артериал қондан озиқланади, айрим ҳолларда ауторе-
грессияга учрайди. Асосан тери, тери ости ёғ қатламида, камроқ – паренхиматоз 
аъзоларда учрайди. 
Гемангиоманингкелиб чиқиши дизэмбриогенез билан боғлиқ бўлганлиги 
учун 90% ҳолларда бола туғилиши биланоқ аниқланади, қолган 10 % и боланинг 
бир ёшигача намоён бўлади. Юз-жағ соҳаси гемангиомаларининг оддий (капил-
ляр, ҳужайрали), каверноз, комбинацияланган (капилляр-каверноз), аралаш (гем-
лимфангиома) шакллари учрайди. 
Капилляр (оддий) гемангиомалар.
Ота-она болаларининг юзида қизил доғ (нор) борлиги ва унинг катталаша-
ётганига шикоят қиладилар.