Оғиз бўшлиғи аъзолари ва юз-жағ соҳалари тўқималарини

Милк фиброматози
– 
кам учрайдиган ўсма бўлиб, бунда юқори ва пастки 
жағ альвеоляр ўсиқларининг ўсувчи фиброматоз тўқима билан қопланиши куза-
тилади. 
Айрим беморларда фиброматоз юқори ва пастки жағларда биргаликда 
учрайди. Баъзи муаллифлар милк фиброматозини сурункали яллиғланиш касал-
ликларига киритишади, бошқалар эса, бу касалликни чин ўсмаларга мансуб ҳисо-
бланиб, наслий касалликлар гуруҳига киритадилар. 
Беморлар альвеоляр ўсиқ қалинлашиб, тишлар тожи “калта” бўлиб кўри-
нишига (эстетик камчиликка) шикоят қиладилар. 
Клиник манзараси:
милк сўрғичларининг ўсиб, альвеоляр ўсиққа 
тарқалганлиги кузатилади, ўсаётган тўқима тиш тожларини ёпиб, баъзан тиш ке-
сув қиррасигача ҳам етиши мумкин. Шиллиқ пардаси бир оз қизарган, пайпасла-
ганда оғриқсиз, зич, силжимайди. Рентгенологик текширувда альвеоляр ўсиқ 
соҳасида деструктив ўзгаришлар аниқланади. Тарқалишига кўра, фиброматоз-
нинг локал (бир неча тиш соҳасини) ва диффуз (юқори ва пастки жағ альвеоляр 
ўсиқларини бутунлай) турлари ажратилади. Кесиб олинган операцион тўқима 
(препарат) гистологик текширувида коллаген толалар аниқланади. 
Даволаш 
– 
ўсма суяк усти қобиғи (периост) билан бирга кесиб олинади. 
Очиқ қолган суяк устига йодоформли дока тампон бостириб қўйилади. Локал ша-
клдаги ўсма бир операцияда тўлиқ олинади, тарқоқ (диффуз) фибраматоз бир неча 
босқичда, суякдаги деструкция ўчоқлари – коагуляция қилинади. 
Миома –
мушак тўқимасидан ривожланадиган ўсма. Кайси тўқимадан ри-
вожланишидан келиб чиққан ҳолда қуйидаги турларга ажратилади:
Рабдомиома 
– 
кўндаланг тарғил мушакдан келиб чиқади, тугун шаклида 
бўлиб, аксарият тил мушаклари орасида жойлашади;
Лейомиома 
– 
силлиқ мушак толаларидан ўсади асосан танглайда учрайди; 
Миобластома
– 
дизонтогенетик равишда ривожланувчи ўсма; 
Ота–оналар – чақалоқларда пастки лаб, тил, тил ости соҳаси ёки танглайда 
секин ўсаётган шиш шикоятлар қиладилар. 
479 

---