Оғиз бўшлиғи аъзолари ва юз-жағ соҳалари тўқималарини

2. Лимберг усули: 
А. 0,5% лидокаин ёки новокаин билан маҳаллий инфильтрацион 
оғриқсизлантириш ўтказилади. Тилнинг олдинги ⅓ қисмидан ип ўтказилиб, 
қисқич билан сиқиб олинади. 
Б. Ассистент тилни юқорига кўтариб бироз ағдарилган ҳолатда ушлаб 
туради. 
В. Юганча қирраси бўйлаб кесма ўтказилади. 
Г. Кесма четларидан икки томонга 45°х45° ёки 60°х60° бурчак остида 
томонлари (юганчада ўтказилган кесмага) тенг учбурчак ҳосил қилиб кесма 
ўтказилади. Учбурчакли лахтаклар ажратилиб, ўрни ўзаро алмаштирилиб, кетгут 
ёки бошқа сўрилувчи чоклар қўйилади.
Расм. Лимберг усули бўйича тил юганчасини узайтириш чизмаси 
Операциядан сўнг кузатилиши мумкин бўлган асоратлар: тил ва оғиз тубида 
реактив шиш пайдо бўлиши мумкин. Бу асорат бемор ҳаёти учун хавфлидир. Операциядан, 
бола бир сутка давомида кундузги стационар ёки жарроҳлик стоматология бўлимида врач 
назоратида бўлиши керак. Десенсибилизацияловчи, яллиғланишга қарши (калций 
глюконат, тавегил, супрастин ёки бошқа) препаратлар тайинланади. Эҳтиётловчи парҳез 
таомлар ва оғизни антисептиклар эритмалари билан чайиб туриш тавсия этилади 3-4 кун 
давомида гапириш чегараланади.. 
Юқори лаб юганчасининг калталиги 
Юганчанинг бир (устки) қисми юқори лаб шиллиқ пардасига кенг асосда 
туташган бўлиб, қизил ҳошия чегарасигача давом этиши мумкин, иккинчи 
391 

---

(пастки) қисми кенг асосда юқори жағ альвеоляр ўсиғининг қиррасига, айрим 
ҳолларда марказий кесув тишлар орасидан ўтиб, кесув тешиги сўрғичига 
ёпишади. 
Юқори лаб юганчасининг калталиги диастемага ҳар доим ҳамроҳлик 
қилади. Ортопедик ва ортодонтик аппаратларни тақиш вақтида қийинчилик 
туғдиради, локал пародонтит юзага келишига сабаб бўлади. 
Юқори лаб юганчасини узайтириш операцияси поликлиникада маҳаллий 
ёки стационар шароитида умумий оғриқсизлантириш остида ўтказилади.