Оғиз бўшлиғи аъзолари ва юз-жағ соҳалари тўқималарини

Сурункали йирингли лимфаденит.
УТТ ёрдамида лимфа без 
катталашганлиги, капсула атрофи изоэхоген, маркази анэхоген (зичлиги 0дан 10 
бирликкача) бўлган йирингли ўчоқ мавжудлиги аниқланади. Сурункали 
гиперпластик лимфаденитда эса зичлиги 5 дан 40 шартли бирликкача ортган, 
катталашган лимфа без аниқланади. УТТда ўткир йирингли ва сурункали 
йирингли лимфаденитлар солиштирилганда зичлиги бир хил (0дан 10шартли 
бирлик) бўлган. Ўткир зардобли ва сурункали гиперпластик лимфаденит УТТ без 
зичлиги (5 дан 40 шартли бирлик) деярли бир хил бўлади. Ташҳис қўйиш учун 
УТТ воситасида олинган маълумотлар ҳамда клиник ҳулосалар жамланиши ва 
таҳлил қилиниши лозим. 
Ноодонтоген лимфаденит
(lymphoadenitis no odontogenica acutae) 
Болалар бошдан кечирган ўткир респиратор вирусли инфекция (грипп, 
пневмония, ангина, отит, ринит) ва юқумли касалликлар юз-жағ соҳаси ўткир 
ноодонтоген лимфаденити ривожланишига мойиллик яратади. Лимфа безлари 
яллиғланишига юз ва бош терисидаги йирингли (стрепто-стафилодермия) яра-
чақалар, оғиз бўшлиғи шиллиқ пардасининг яллиғланишлари (стоматитлар), 
чақалоқларда – киндик яллиғланиши (намланиши), тери бичилиши ва ёрилишлари 
сабаб бўлади. Одатда, бундай лимфаденитлар 2-5ёшдаги болаларда, яъни 
организм бактериал ва вирусли инфекцияга адекват жавоб бериш учун лаёқатсиз 
даврда учрайди. 
Лимфа безлар бу турдаги яллиғланиши эрта баҳор ва куз-қиш фаслларида 
кўпроқ учрайди. Куз-қиш мавсумида кўп учрашини, болалар иммун тизимини 
208 

---

фаол ҳолатда бўлиб, гиперэргик реакция намоён қилиш билан тушунтирилади, 
баҳорда эса тескари, метаболик жараёнларни сустлиги, Т-лимфоцитларнинг 
юқори даражадаги супрессор ва паст хелперлик фаоллиги ҳамда яллиғланишнинг 
гипоергик кечиши билан ҳарактерланиши мумкин. 
Шикоятлар:
ўткир ноодонтоген лимфаденит касаллигида ота-оналар, 
болада шамоллаш ҳолатидан сўнг бир нечта без (лимфа тугуни) пайдо 
бўлганлиги, шиш катталашгани, тана ҳароратининг кўтарилганига, шиш устки 
терисида қизариш пайдо бўлганлигига шикоят қилади. 
Клиник манзара:
болани ёши, соматик ҳолати, касаллик сабабига боғлиқ. 
Инфекция қулоқдан тушган (отоген) бўлса – қулоқ олди, жағ орти соҳасидаги 
безлар, юз терисидаги (дерматоген) яра-чақадан ярага яқин (регионар) безлар, 
оғиз ва бурун бўшлиғи шиллиқ пардасидан (стоматоген, тонзиллоген) жағ ости, 
даҳан ости соҳаларда бир нечта без катталашган бўлади. Пайпаслаганда ёнма-ён 
жойлашган бир нечта оғриқли, катталашган безларни, айрим ҳолда бир-бири 
билан қўшилиб катта газзак ҳосил бўлганлигини аниқлаш мумкин. Вақтида 
аниқланиб рационал даво ўтказилмаган ҳолда яллиғланиш безни капсуласи 
ташқарисига чиқади (периаденит), шиш устидаги тери қизаради. 
Қиёсий ташҳис:
абсцесс, флегмона, хусусий лимфаденит (захм, сил, 
актиномикоз), миграцияловчи гранулема, сиалоденит, йиринглаган атерома билан 
ўтказилади.