Ochiq usuldagi konchilik ishlarini meyorlashtirish

7- AMALIY MASHG‘ULOT


Mavzu: Kon ishlari rejimini tadqiqot qilish.


Ishning maqsadi: - konni samarali о‘zlashtirishni tashkil qilish uchun karyerning asosiy parametrlarini belgilash va barcha texnologik hisob-kitoblarni olib borish uchun bosh asos sifatida «kon ishlari rejimi» tushunchasining chuqur mohiyatini ochib berish.
Mashg‘ulot karyerning yakuniy konturlari va о‘lchamlarini aniqlash natijalari asosida о‘tkaziladi.
Ushbu maqsadda boshlang‘ich ma’lumotlar sifatida quyidagi ma’lumotlar taqdim etiladi:
• kon ishlarini kon-geologik sharoitlarni hisobga olgan holda olib borish bо‘yicha u yoki boshqa texnologik sxema taklif etiladi (konni tizimlashtirish va kompleksli mexanizatsiyalash sxemasi). Oldinda turgan mashaqqatlarni qisqartirish uchun siklik harakatlanuvchi uskunalar kompleksidan foydalanib konni chuqurlashtirilgan bо‘ylama tizimini qabul qilish tavsiya etiladi:
• pog‘onaning balandligi;
• kelishilgan kon ishlarini olib borish texnologik sxemasiga binoan ishchi bortning qiyalik burchagi;
• mazkur texnologik sxemada yuzaga kelishi mumkin bо‘lgan kon ishlarini kamaytirish tezligi;
• karyer ishchi zonasini chuqurlashtirish yо‘nalishining ikki varianti:
• foydali qazilma bо‘yicha karyerning belgilangan unumdorlik darajasi.
Vazifani bajarish jarayonida karyerning kо‘ndalang kesimi asosida uning chuqurlik yо‘nalishining ikki variantini tadqiqot qilish, V,P=f(H) va K_T = f(H) grafik–о‘zgarishlar, tegishincha foydali qazilma hajmlari (R) va jinslar (V), shuningdek kon ishlarining kamayishiga (N) qarab qoplamaning joriy koeffitsiyentini (KT) olish kerak.
Olingan natijalar asosida quyidagi mezonlar bо‘yicha kon ishlarini rivojlantirishning eng ma’qul varianti tanlanadi: kon-kapital ishlarining minimum hajmlari va karyerning qurilish muddatlari, kon ishlari bir maromda kamayganda qoplama hajmlarining maromsizlik darajasi, statsionar transport kommunikatsiyalarini joylashtirish.
Tanlab olingan variant uchun ikki variantda kalendar jadvallari V,P=f(T) tuziladi:
1) foydali qazilma bо‘yicha karyerning qabul qilingan unumdorligi asosida va
2) qabul qilingan kon ishlarini kamaytirish tezligi asosida.
• Jadvallar tuzish natijalari bо‘yicha quyidigalar belgilanadi:
• karyerning ishlash muddati (ikki variant bо‘yicha);
• karyerning foydali qazilma bо‘yicha unumdorligi;
• kon ishlarini zaruriy kamaytirish tezligi;
• karyerning qoplama bо‘yicha zaruriy unumdorligi (ikki variant bо‘yicha).
Olingan natijalarning tahlilini о‘tkazish. Qoplama joriy koeffitsiyentlarini turg‘unlashtirish choralari va karyerdan foydalanish jarayonida ularni amalga oshirish davrlari.