Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

6 - §. Пиролиз технологияси қурилмаларини
ишлатишдаги хавф-хатарлар

374. 
     Пирогаз печи ва пирогазни тоблаш учун хомашёни тайёрлаш, технологик жараёнларнинг иссиқлик алмашинув (қиздириш, совутиш, конденсация) ва масса алмашинув (аралаштириш, суюлтириш) усуллари билан амалга оширилади.
     

Хомашёни тайёрлаш ва пирогазни тоблаш жараёнларини олиб бориш, технологик параметрлар (босим ва температура), таркиби ва ажралаётган аралашмаларнинг фазавий ҳолатлари билан таърифланади.

375. 
     Ажралаётган компонентларнинг физик-кимёвий хусусиятларидан келиб чиқиб, технологик жараёнлар босим остида, юқори температураларда ўтказилади.
     
376. 
     Этан хомашёси ва пирогаз таркибига водород ва углеводород (метан, этан, пропан, бутан ва бошқа.)лар киради. Улар ҳаво билан портлашдан хавфли аралашма ҳосил қилишга мойил бўлган ёнувчан газлар ҳисобланади.
     
377. 
     Ноқулай вазиятларнинг ривожланиши ҳолатларида, ишлаб чиқариш шароитларида, аппаратлар ва қувурўтказгичларнинг эҳтимолли герметиксизланиши, атмосфера ҳавосида газсимон аралашмаларнинг катта миқдордаги отқини билан бирга содир бўлади.
     
378. 
     Технологик жараёнларни ўтказиш шароитларида материалларни коррозияга учраши ва аппаратнинг ички юзаларида чўкмаларни ҳосил бўлиш эҳтимоли бор.
     
379. 
     Пиролиз қурилмасининг ускуна ва қувурўтказгичлар аксарият қисми юқори температураларда ва очиқ оловдан фойдаланиб ишлатилади ва бу ҳолат ходимлар учун термик жароҳат олиш хавфини оширади. Ёндиргични ёқиш, змеевиклар ҳолатини ва ёниш режимини текшириш бўйича технологик операцияларни ўтказишда, ниҳоятда эҳтиёткорликка риоя қилиш ва ҳимоя мосламаларидан фойдаланиш керак.
     
380. 
     Ишлатишда кокс ҳосил қилувчи ингибитор (диметил дисулфид) ва полиэлектролит пуркалади.
     

Аппаратлар ва қувурўтказгичлар герметиксизланиши оқибатида кимёвий реагентларни сизиб чиқиши, ҳамда юклаш вақтида оқиб кетиш эҳтимоли кузатилиши мумкин.

381. 
     Энг хавфли ва ёнғиндан хавфли технологик жараёнларга ўчоқ змеевикларида пиролизни кокссизлантириш жараёни киради, чунки печ ўчоғида газнинг ва радиант секцияли змеевик ичида коксни ёниши содир бўлади. Кокссизлантириш жараёни экзотермик жараён ҳисобланиб, бунда маҳаллий қизиш ва змеевик металли структурасининг бузилишига олиб келади.
     
382. 
     Машъала коллекторларини ишлатишда вакуум ҳосил бўлиш эҳтимоли бор, натижада углеводородларнинг ҳаво билан портлашдан хавфли аралашма ҳосил бўлиши мумкин.