Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

2 - §. Олтингугурт олиш қурилмаси

319. 
     Олтингугурт узатилаётган қувурўтказгичлар сариқ рангга ёки сариқ халқаларга бўялиши керак.
     
320. 
     Иситкич ўчоқлари ва генератор реакторини ёқишдан олдин 15 min мобайнида ўчоқларни ҳаво билан свечага дамлаб ва ўчоқдаги ҳаво намунасида портлашдан хавфли аралашма йўқлигини текшириш даркор.
     
321. 
     Генератор реактори ва иситкичлар ўчоқларида портловчи аралашма ҳосил бўлмаслиги учун меъёрловчи қурилма ёрдамида ўчоққа ҳаво ва газни тартибланган нисбатда берилиши шарт.
     
322. 
     Ёндиргичларни запалник (пилта) ёрдамида ёқиш лозим.
     
323. 
     Кузатиш дарчаларининг ойналари тоза бўлиши зарур.
     
324. 
     Гидротўсқичлар вақт - вақти билан чиқиндилардан тозаланиши керак.
     
325. 
     Олтингугуртни омбор (газсизлатгич)га эркин оқимда қуйиш тақиқланади.
     
326. 
     Олтингугуртни хавфсиз қуйиш бўйича йўриқномада қуйидаги тақиқловчи талаблар кўзда тутилиши керак:
     

1. 
   қотган олтингугурт уюми устига чиқиш;
   
2. 
   олтингугурт омборининг очиқ люки тепасида туриш;
   
3. 
   олтингугурт қуйишга мўлжалланган тарнов яқинида бўлиш.
   

Омбор ўрасидаги олтингугурт сатҳини, люкни очмай туриб, бунга мосланган штуцер орқали, портлашдан ҳимояланган қилиб бажарилган НАШҲВ ва ёритгичлар ёрдамида ўлчаш лозим.
Олтингугурт қуйлиш жараёнининг шамол эсаётган тарафдан туриб кузатиш керак.

327. 
     Олтингугурт устидаги буғ фазасидан намуна олишни диэлектрик материалдан ясалган намунаолгичларда бажариш керак.
     
328. 
     Суюқ олтингугурт маҳсулоти ҳайдовчи насос хонасида тўкилиши мумкин эмас. Насосхонанинг поли ва лотокларидаги қуйқумлар сув билан ювиб саноат канализациясига оқизилиши керак.
     
329. 
     Эритилган олтингугурт билан ишлаганда, куйиб қолиш ва олтингугурт буғлари билан заҳарланишнинг олдини олиш мақсадида эҳтиётлик чораларини қўриш лозим.
     
330. 
     Олтингугуртни фақат тўлиқ қотгандан сўнггина қолипдан чиқариш лозим.
     
331. 
     Олтингугурт чанги ҳосил бўлиши билан боғлиқ юклаш-тушириш ишларида, ишчилар респираторлардан фойдаланишлари зарур.
     
332. 
     Ускуналар юзасидаги олтингугурт чангини тозалашда, сиқилган ҳаводан фойдаланиш тақиқланади.
     
333. 
     Ичида водород сулфиди бўлган барча аппарат, агрегат ва қувурўтказгичарни очишдан аввал инерт гази билан “газ машъалага” йўлига РЭК миқдори 3 mg/m³ га тенг бўлгунга қадар дамлаш (пуфлаш) керак.
     
334. 
     Генератор реакторларини очишдан аввал, уларни 30 ⁰С гача совутиш, РЭК дан зиёд миқдоридаги зарарли моддалар йўқлигига ўтказилган назоратнинг ижобий натижаларигача ҳаво билан пуфлаш керак.
     

Шунингдек,генератор реакторларининг газ камераларида олтингугурт йўқлигига ишонч ҳосил қилиш керак.

335. 
     Қурилмани ишга туширишдан аввал қуйидагиларни бажариш лозим;
     

1. 
   печ газўтказгичларини ёнилғи газ билан машъала йўлига дамлаб тозалаш;
   
2. 
   гидротўсқичларнинг соз ишлашини текшириш, уларни олтингугурт билан тўлдириш ва уни эритиш.
   

336. 
     Қурилмани ишга тушириш вақтида нордон газни қабул қилиш билан боғлиқ бўлган ишлар газдан қутқариш хизмати ишчилари борлигида ўтказилиши керак.