О. Р. Райимбердиева бухгалтерия ҳисоби, ИҚтисодий таҳлил ва аудит

таннархига ўтказиш тартиби. 
Маҳсулот ишлаб чиқариш таннархига маҳсулот ишлаб 
чиқариш билан тўғридан-тўғри боғлиқ бўлган харажатлар билан бир қаторда ишлаб чиқариш 
учун умумий бўлган, умумишлаб чиқариш ҳарактеридаги харажатлар ҳам қўшилади.
Умумишлаб чиқариш харажатлари бу асосий ва ёрдамчи ишлаб чиқариш цехларини 
бошқариш хамда уларни ишлаб чиқаришини ташкил қилиш билан боғлиқ харажатлардир. 
Уларга «Харажатлар таркиби тўғрисидаги Низом» га мувофиқ «Ишлаб чиқариш 
ҳарактеридаги асосий фондлар ва номоддий активлар амортизацияси», «Ишлаб чиқариш 
ҳарактеридаги бошқа харажатлар» киради. 
 
Назорат саволлар: 
1.
Маҳсулот ишлаб чиқариш таннархи нима? 
2.
Давр харажатлари таркибига нималар киради? 
3. 
Молиявий фаолият бўйича харажатлар таркибига нималар киради? 
4. 
Калкуляция объекти нима? 
5.
Эгри ва тўғри харажатлар нима? 
3-савол 
бўйича дарс мақсади: 
Талабаларда асосий ишлаб чиқариш 
харажатларининг таркиби, улар ҳисоби ва маҳсулот таннархига ўтказилиш тартиби 
тўғрисида тушунча ҳосил қилдириш 
Идентив ўқув мақсадлари: 
3.1. 
Асосий ишлаб чиқариш харажатлари таркибини айтиб бера олади. 
3.2. 
Асосий ишлаб чиқариш харажатларини бухгалтерия ҳисоби счётларида акс эттира 
олади. 
3-савол баёни. Асосий ишлаб чиқариш харажатларининг таркиби, уларнинг 
ҳисоби ва маҳсулот таннархига ўтказилиши тартиби. 
Корхонанинг асосий фаолият 
тури бўлиб ҳисобланувчи маҳсулотлар (ишлар, хизматлар)га оид асосий ишлаб 
чиқариш харажатлари 
2010-«Асосий ишлаб чиқариш»
счётида акс эттирилади. 
Бевосита маҳсулотлар ишлаб чиқарилиши, ишлар бажарилиши ва хизматлар 
кўрсатилиши билан боғлиқ бевосита харажатлар, шунингдек ёрдамчи ишлаб 
чиқаришларга оид харажатлар, асосий ишлаб чиқаришнинг бошқарилиши ва унга хизмат 
кўрсатилиши билан боғлиқ билвосита харажатлар ва бракдан кўрилган йўқотишлар 2010-
«Асосий ишлаб чиқариш» счётининг дебети бўйича акс эттирилади. 
Масалан, маҳсулотнинг ишлаб чиқарилишига бевосита моддий харажатлар ҳисобдан 
чиқарилганда: