O qo‘shmurodov, B. Shukuriddinov

Kahrabo (yantar)

Kahrabo paleogen davri (25–30 mln y.) ignabargli daraxtlarning qotgan smolasi (qatroni) hisoblanadi. U tipik organik birikma hisoblanib, 79 % uglerod, 10,5 % kislorod va 10,5 % vodoroddan iborat.

Rangi sariq, sarg‘ish-qo‘ng‘ir, jigarrang shaffof va xira bo‘lishi mumkin. Ko‘pincha qahrabo o‘zida barg va hasharotlarni saqlaydi. Qattiqligi – 2–2,5; zichligi – 1,05–1,10; oson eriydi. Yonganda xushbo‘y hid beradi.

Matoga (suknoga) ishqalanganda uning elektrlanish xossasi muhim xususiyatlaridan hisoblanadi.

Kahrabo tabiatda noto‘g‘ri silliqlangan bo‘laklar holida qumtosh va qumtoshli gillar orasida uchraydi. Boltiq dengizi qirg‘og‘idagi kahrabo koni bir necha asrlar davomida qazib olinmoqda. Oq dengiz qirg‘og‘ida ham uchraydi.

Kahrabo zebu-ziynat sifatida ishlatiladi. Yana qahrabo kislotasi, qahrabo laki va ba’zi bir meditsina preparatlari va reaktivlari tayyorlanadi. Elektr asboblarida izolyator sifatida ishlatiladi.