O’. Asqarova, Z. Qoraboeva, M. Samidjonova

DISSERTATSIYA HIMOYASI

Magistrlik dissertatsiyasini himoyaga tayyorlash tartibi

Dissertatsiyani texnik rasmiylashtirish ishi tugallanganidan keyin magistrant magistraturadagi ta’lim olishning oxirgi va hal qiluvchi bosqichi - magistrlik dissertatsiyasini himoyaga tayyorlashga lozim darajada e’tibor berishi kerak. Bunday tayyorgarlik, avvalo, himoya bilan bog‘liq hujjatlar va materiallarning rasmiylashtirilishini o’z ichiga oladi.
Mualliflik annotatsiyasi.

Misol:

Namangan davlat universiteti Fakultet: Magistratura Magistr:
Kafedra: Maktabgacha ta’lim metodikasi
Ilmiy rahbar: O‘quv yili: 2019/2020

Magistrlik dissertatsiyasi mavzui: Maktabgacha yoshidagi bolalar faoliyatini integratsiyalash jarayonida ma’naviy-axloqiy tarbiyalashning pedagogik tizimi

KIRISH (magistrlik dissertatsiyasi annotatsiyasi)
Dissertatsiya mavzusining dolzarbligi va zarurati O’zbekiston Respublikasi maktabgacha ta’lim tizimini 2030 yilgacha rivojlantirish Kontseptsiyasida maktabgacha yoshdagi bolalarni intellektual., axloqiy, estetik va jismoniy jihatdan har tomonlama rivojlantirish uchun sharoitlarni yaratish, maktabgacha ta’lim muassasalarida ta’lim-tarbiya jarayoniny tashkil qilishning mavjud tartibini qayta ko’rib chiqish hamda maktabgacha ta’lim xizmatlarini ko’rsatishning zamonaviy usullarini joriy etish, ta’lim-tarbiya jarayonini takomillashtirish bolalarning rivojlanganligi darajasini va ularning umumiy boshlang’ich ta’limga tayyorligini, shuningdek, ularning ijtimoiy, shaxsiy, hissiy, nutqiy, jismoniy va ijodiy rivojlanishini baholash asosida amalga oshirilishi bunda bolalarda Vatanga muhabbat hissini, oilaga, o’z xalqining milliy, tarixiy, madaniy qadriyatlariga hurmat, atrof-muhitga nisbatan ehtiyotkorona munosabatni shakllantirishga alohida e’tibor qaratilishi lozimligi masalasiga alohida urg’u berilgan.
Amalga oshirilayotgan tadqiqotlar tarkibida bolalar faoliyatini integratsiyalash, pedagogik-psixologik xususiyatlarini ochib berishga alohida ahamiyat qaratilmoqda. Maktabgacha yoshdagi bolalar faoliyatini integratsiyalash omili sifatida ma’naviy-axloqiy kompetentlikni rivojlantirish texnologiyasini takomillashtirish kabi masalalar dolzarb ahamiyat kasb etmoqda.
O’zbekiston Respublikasi Prezidentining 2017 yil 7 fevraldagi PF-4947-son “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi Farmoni, O’zbekiston Respublikasi Prezidentining 2016 yil 29 dekabrdagi PQ-2707-son “2017-2021 yillarda maktabgacha ta’lim tizimini yanada takomillashtirish chora-tadbirlari to’g’risida”gi, 2017 yil 9 sentyabrdagi PQ-3261- son “Maktabgacha ta’lim tizimini tubdan takomillashtirish bo’yicha chora-tadbirlar to’g’risida”gi,
2019 yil 8 maydagi PQ-4312-son “O’zbekiston Respublikasi maktabgacha ta’lim tizimini 2030 yilgacha rivojlantirish kontseptsiyasini tasdiqlash to’g’risida”gi qarorlari, O’zbekiston Respublikasi Vazirlar Mahkamasining 2019 yil 13 maydagi 391-son “Maktabgacha ta’lim tashkilotlari faoliyatini yanada takomillashtirish chora-tadbirlari to’g’risida”gi qarori hamda mazkur sohaga tegishli boshqa me’yoriy-huquqiy hujjatlarda belgilangan vazifalarni amalga oshirishda ushbu tadqiqot ishi muayyan darajada xizmat qiladi.