Нутрицевтика Нутрицевтики. Что это такое? Их польза, назначение и применение

д) қишлоқ хўжалиги ва озиқ-овқат маҳсулотлари ишлаб чиқариш инфратузилмасини яхшилаш соҳасида:
ишлаб чиқарилган қишлоқ хўжалик ва озиқ-овқат маҳсулотларини узлуксиз ва барқарор нархларда етказиб бериш жараёнларини ягона занжирини яратиш, бунда ишлаб чиқарувчи ва тайёрловчи хамда қайта ишловчи корхоналар ўртасида кооперация тизимини яхшилаш;
замонавий худудларда етиштирилган мева-сабзавот маҳсулотларини
20-25%, сутни – 30-50%, гўштни – 15-20% қайта ишлаш ва камида 10% сақлаш имкониятига эга бўлган қайта ишлаш корхоналари ва совутгич сиғимлар ташкил қилиш;
қишлоқ хўжалигининг барча соҳаларига ишлаб чиқаришдан то якуний тайёр маҳсулотни сотишгача бўлган жараённи қамраб олган кластер тизимини жорий қилиш, шунингдек замонавий логистика марказлари ташкил қилиш;
талаб ва таклиф асосида маҳсулот ишлаб чиқариш, қайта ишлаш, сақлаш ва сотиш тизимини барқарор ва интенсив ривожланишига эришишнинг самарали занжирини яратиш.
қишлоқ хўжалик техникалари етказиб беришни молиялаштиришни такомиллаштириш ҳамда бозор механизмига ўтиш мақсадида, тижорат банклари ва лизинг компаниялари томонидан қишлоқ хўжалик техникаларини харид қилишни молиялаштириш учун ажратилаётган кредит фоиз ставкаларини давлат томонидан қисман субсидиялаш тизимини жорий қилиш.
е) озиқ-овқат маҳсулотлари хавфсизлигини таъминлаш соҳасида:
қишлоқ хўжалиги ва озиқ-овқат махсулотларини ишлаб чиқаришда белгиланган техник жихатдан тарибга солиш сохасидаги меъёрий хужжатлари талабларига риоя қилишни таъминлаш;
маҳаллий стандартларни халқаро стандартларга уйғунлаштириш, қишлоқ хўжалик маҳсулотларини етиштиришда Global G.A.P, “Hallal”
ва органик стандартлар талаблари асосида сертификациялаш тизимини шакллантириш;
қишлоқ хўжалиги маҳсулотларини қайта ишлаш жараёнида “HACCP” тамойиллари асосида ISO 22000 стандартларини жорий қилиш;
қишлоқ хўжалиги ва озиқ-овқат маҳсулотлари хавфсизлигига доир техник регламентлар ишлаб чиқиш;
озиқ-овқат маҳсулотлари хавфсизлик кўрсаткичлари белгиланган санитария ҳамда ветеринария меёр ва қоидаларини халқаро кодекс алиментариус меъёр ва қоидаларига илмий асосланган холда уйғунлаштириш ёки Марказий Осиёнинг иқлим шароитидан келиб чиқиб маҳаллий хавфсизлик кўрсаткичлари бўйича меёр ва қоидаларни истисно тариқасида кодекс алиментариус комиссияси томонидан тан олинишига эришиш;
озиқ-овқат маҳсулотлари хавфсизлик кўрсаткичларини таъминлаш мақсадида илм-фаннинг сўнгги ютуқлари асосида ишлаб чиқилган аниқлаш методикалари ва синов ва ўлчов воситалари билан таъминланган лабораторияларни ташкил этиш, ушбу лабораторияларни халқаро тан олинган ташкилотлар томонидан аккредитациялашни таъминлаш;
озиқ-овқат маҳсулотлари хавфсизлигини таъминлашни давлат томонидан тартибга солиш ва назорат қилиш соҳасида туман (шаҳар) деҳқон бозорларида юридик ва жисмоний шахслар томонидан сотилаётган озиқ-овқат ва қишлоқ хўжалиги маҳсулотлари санитария ва гигиена қоидаларига риоя этилиши устидан давлат санитария эпидемиология назорати маркази ва ветеринария хизматлари ролини кучайтириш ҳамда назорат қилишни такомиллаштириш;
ген муҳандислиги ёрдамида ишлаб чиқарилган маҳсулотларни мажбурий тамғалашни (маркировка) жорий этиш;
ген муҳандислиги йўли билан олинган озиқ-овқат маҳсулотларини ишлаб чиқариш ва сотиш жараёнини назорат қилиш тизимини жорий этиш;
ҳудудларни ген муҳандислиги асосида ишлаб чиқарилган маҳсулотларни аниқлаш имконини берувчи замонавий лабораториялар билан таъминлаш;
ген муҳандислиги асосида тайёрланган уч ёшгача бўлган болалар озуқасини ишлаб чиқариш, импорт қилиш ва сотишни тақиқлаш;
ген муҳандислиги асосида ишлаб чиқарилган уруғлик ва экин материалларини импорт қилиш ва қишлоқ хўжалигида фойдаланишни тақиқлаш;