Нутрицевтика Нутрицевтики. Что это такое? Их польза, назначение и применение

Ўзбекистон Республикаси
Бош вазири А. Арипов
***
Вазирлар Маҳкамасининг
20__ йил “___” ________ даги _____-сон қарорига
ИЛОВА
2019-2024 йилларда мамлакатда озиқ-овқат хавфсизлигини таъминлаш
МИЛЛИЙ ДАСТУРИ
1-боб. Умумий қоидалар
1. 2019-2024 йилларда мамлакатда озиқ-овқат хавфсизлигини таъминлаш миллий дастурининг (кейинги ўринларда – Миллий дастур деб аталади) мақсади ҳар бир инсоннинг фаол ва соғлом хаёт учун зарур бўлган етарли миқдордаги хавфсиз озиқ-овқат маҳсулотлари учун жисмоний ва иқтисодий имкониятга эга бўлиши, маҳсулотларни сифатини яхшилаш, нархлар барқарорлигини таъминлаш, импортга боғлиқликни камайтириш, тўғри ва соғлом овқатланишни тарғиб қилиш орқали аҳолининг саломатлигини таъминлашдан иборат.
2. Мазкур Миллий дастурда қуйидаги асосий тушунчалар қўлланилади:
озиқ-овқат хавфсизлиги – иқтисодиётнинг ҳолати бўлиб, бунда ташқи бозор коньюнктураси ва бошқа ташқи омиллардан қатъий назар давлатнинг барча ҳудудларида аҳолини рационал озиқланиши учун етарли даражада
озиқ-овқат маҳсулотларини кафолатли таъминланиши ва зарурий ижтимоий-иқтисодий шароитлари яратилиши;
озиқ-овқат маҳсулотларининг жисмоний жихатдан етарли бўлиши (талабни таъминланиши) – ички истеъмол бозорида қишлоқ хўжалик маҳсулотлари, хом ашё ва озиқ-овқат маҳсулотларининг етарли бўлиши ва республиканинг барча худудларида аҳолини харид имкониятига эга бўлган холда барқарор таъминланиши;
озиқ-овқат маҳсулотларини харид қилиш қобилияти (даромадга асосан таъминланиш) – озиқ-овқат маҳсулотларининг ижтимоий мақбул нархлари сақланган холда барча тоифа уй хўжаликларининг даромадларининг етарли бўлиши ва ижобий динамикасини белгилайди;
органик маҳсулот – органик ишлаб чиқариш натижасида олинган, яъни бу борадаги республика ва халқаро қонунчиликда, шу жумладан техник ва меёрий хужжатларда назарда тутилган технология, усуллардан фойдаланган холда ишлаб чиқарилган маҳсулот ҳисобланади;