Nuriddinov mahmudxoʻja Nizomovich

OBIDOVA Matluba – 1924-yil Toshkent shahrida tugʻilgan. SAGU (hozirgi OʻzMU) sharq fakultetining 1949-yil bitiruvchisi. Sharqshunos-filolog-eronshunos, tarix fanlari nomzodi, dotsent.
1949-yildan Leningrad DU aspiranti. 1953 – 1955-yillar OʻzR Maorif vazirligi huzuridagi Pedagogika fanlari ilmiy tekshirish institutida katta ilmiy xodim, boʻlim mudiri; 1955-yilda Qoʻqon Pedagogika instituti rektori; 1957-yildan SAGU tarix fakultetining umumiy tarix kafedrasida katta oʻqituvchi; 1958 – 1962-yillar Respublika sirtqi taʼlim pedagogika instituti rektori; TDPI sirtqi boʻlimining prorektori; 1962 – 1964-yillar doktorant; 1964 – 1986-yil (nafaqaga chiqquncha) Toshkent davlat politexnika institutida dotsent.
Ilmiy yoʻnalishi – XV asr Eron tarixi, taʼlim-tarbiya masalalari. 10 ga yaqin ilmiy va bir qator publitsistik maqolalar muallifi. Bir nechta medallar bilan taqdirlangan.
Asosiy ilmiy ishlari:
Nomz. diss. mavzusi: “Gosudarstvo Ak-kounli v Irane vo vtoroy polovine XV v. (istoriko-ekonomicheskiy ocherk)”. – Leningrad, 1953.

1. Ateisticheskoye vospitaniye uchenikov sredney shkolы na urokax istorii // Oʻqituvchilar gazetasi. – Toshkent, 1954.

2. Svyazi gosudarstva Irana s zarubejnыmi stranami v XV v. // Trudы SAGU. – Tashkent, 1958.
3. Afrika xalqlari ozodlik va mustaqillik uchun kurashda // Oʻqituvchilar gazetasi. – Toshkent, 1959, 27-dekabr.
4. AQSHning Yaqin va Oʻrta Sharqdagi nayranglari // Oʻqituvchilar gazetasi. – Toshkent, 1959, 23-yanvar.
5. Qishloq xoʻjaligini industrlashtirish – hozirgi bosqichda partiya agrar siyosatining ustuvor yoʻnalishi // Tezisы nauchno-teoreticheskoy konferensii TGPI. – Toshkent, 1977.


OLIMOV Anvar Barnoyevich – 1938-yil Toshkent shahrida tugʻilgan. ToshDU (hozirgi OʻzMU) sharq fakultetining 1965-yil bitiruvchisi. Sharqshunos-tarixchi-xitoyshunos, tarix fanlari nomzodi, dotsent.
1965-yildan Oʻz FA Oʻzbekiston xalqlari tarixi muzeyida, soʻngra Oʻz FA Tarix va arxeologiya institutida kichik ilmiy xodim; 1971-yil himoyadan soʻng, 1972 – 1975-yillar ToshDU sharq fakulteti xorijiy Sharq mamlakatlari tarixi kafedrasida oʻqituvchi; 1975-yildan Toshkent Chet tillar instituti (hozirgi Oʻz-n jahon tillari universiteti) ning Oʻzbekiston tarixi kafedrasida katta oʻqituvchi, dotsent, 1984-yildan nafaqada.