Нуклеин кислоталар

4.1. Нуклеин кислоталарнинг кимёвий таркиби
Нуклеин кислоталар ферментлар, кислота, ишқор ва бошқа кимёвий бирикмалар таъсирида бир неча бўлакларга парчаланади. Мазкур структура бирикмаларига азот асосларидан пурин ва пиримидин, углевод компонентларидан рибоза ва дезоксирибоза ҳамда фосфат кислота киради.
Пурин асослари
Нуклеин кислоталар (ДНК, РНК) таркибида асосан икки хил пурин асослари аденин (А) ва гуанин (Г) учрайди. Бу бирикмалар молекуласи пиримидин ва имидазол ҳалқасидан ташкил топган пуриннинг ҳосилалари ҳисобланади:

Пурин асослари ҳар хил таутомер шаклларида учрайди:

Кўрсатилган пурин азот асосларидан ташқари, ҳужайрада гипоксантин (6-оксопурин) ва ксантинлар (2,6 диоксопурин) бўлиб, улар аденин, гуанинларнинг дезаминирланишидан ҳосил бўлиб, нуклеин кислоталар алмашинувида иштирок этадилар.

Пиримидин асосларидан нуклеин кислоталар ДНК ва РНК таркибида цитозин, урацил (РНК таркибида) ва тимин (ДНК таркибида) киради.

Нуклеин кислоталар таркибида кўрсатилган азот асосларидан ташқари яна минор компонентлари учраб улар т-РНК таркибида: дигидроурацил, псевдоуридин, ксантин, гипоксантин, ацетилцитозин ва орот кислоталар учрайди. ДНК таркибида қисман 5-метилцитозин ва 6-метиладенинлар бор. Метилланиш асосан, ДНКнинг репликациясидан сўнг ҳосил бўлади. Метилланган асослар ДНК ни “ўзини” ДНК аза ферментидан сақлайди.
Нотабиий асослардан 7-метилгуанозин, 1-метил-2-амино-6-оксопурин, 6-диметиламинопуринлар u-РНК ва нуклеозидлар таркибида борлиги аниқланган.
Юқорида келтирилган пурин ва пиримидин асосларида қўш боғлар ва –ОН,-NH₂ гуруҳлари бўлиб, улар асосларни ҳар хил таутимер ҳолатига: оксиҳосилалари лактам-лактим ва аминоҳосилалари эса амин-имин кўринишга сабабчи бўлишлари мумкин. Жумладан, урацил қуйидагича таутомерланиши мумкин:

Табиий нуклеин кислоталар таркибида азотли асослар лактам ва амин шаклида бўлиб, бу ҳолат уларга синтезланишини тўғри йўналишига сабабчи бўлади. Лекин, нуклеин кислоталарга ташқи омиллар, жумладан, нурланиш ва шу асосда таутомерларни ҳосил бўлиши мутагенезнинг асосини ташкил қилади.
Азот асослари ултрабинафша нурини 260 нм спектрида тўлиқ ютади. Худди шу асосда уларни миқдорий жихатдан аниқланади.
Углевод қисмлардан РНК таркибида рибоза ва ДНК да эса дезоксирибозалар учрайди. Нуклеин кислоталар таркибидаги пентозалар -D-фураноза шаклида бўлади:

Углерод атомлари, нуклеотид таркибидаги пентозаларда тартиб рақамига “штрих” белгиси азот асосларидан фарқ қилиш учун қўйилади.
Дезоксирибозадаги С-2^/ гуруҳидаги ОН ни протонланиши С-2^/ ва С-3^/ боғларини янада мустаҳкамлаб, ДНК молекуласининг фазовий структурасини компакт, иҳчам ҳолатга келтиришда ёрдам беради.