|
VENDIM NË EMËR TË REPUBLIKËS
Kolegji Administrativ i Gjykatës së Lartë, i përbërë prej:
Xhezair Zaganjori Kryesues
Ardian Dvorani Anëtar
Arjana Fullani Anëtare
Andi Çeliku Anëtar
Medi Bici Anëtar
në datën 10.11.2015, në seancë gjyqësore, mori në shqyrtim çështjen administrative me
nr. 02604/2010 akti, që u përket palëve:
PADITËS: ELVIS DORZI, përfaqësuar në gjykim nga avokat Sokol Robo.
I PADITUR: BASHKIA TIRANË, përfaqësuar në gjykim nga Znj. Mimoza Leka
SHOQËRIA “ALB TORONTO KONSTRUKSION” SHPK, përfaqësuar në gjykim nga avokate Nertila Qordja.
OBJEKTI :
Anullim i aktit administrativ nr.41, datë 04.02.2003 i KRRT Bashkia Tiranë,
dhënë në favor të subjektit.
Marrja e masës provizore për sigurimin e padisë.
Pezullim i zbatimit të aktit administrativ nr.41, datë 04.02.2003
deri në përfundim të gjykimit.
Baza Ligjore: Nenet 202/a, 324 dhe 329 të K.Pr.Civile.
Gjykata e Rrethit Gjyqësor Tiranë, me vendimin nr.3812 akti, datë 27.01.2010 ka vendosur:
Pranimin e kërkesës.
Pezullimin e zbatimit të aktit administrativ, vendim nr.41, datë 04.02.2003 të KRRT-së pranë Bashkisë Tiranë deri në përfundimin e gjykimit të çështjes.
Shpenzimet gjyqësore siç janë bërë.
Gjykata e Apelit Tiranë, me vendimin nr.410, datë 07.09.2010 ka vendosur:
Ndryshimin e vendimit nr.3812 Akti, datë 27.01.2010 të Gjykatës së Shkallës së Parë Tiranë dhe rrëzimin e kërkesës për pezullimin e zbatimit të vendimit nr.41, datë 04.02.2003 të KRRT-së Bashkia Tiranë.
Kundër vendimit të Gjykatës së Apelit Tiranë, ka ushtruar rekurs, pala paditëse Elvis Dorzi,i cili kërkon ndryshimin e këtij vendimi, duke parashtruar këto shkaqe:
Përfaqësuesi i porositësit Florenco Rashkoviç, i quajturi Andrea Koxhaj nuk ka pasur tagra në aktin e përfaqësimit për të dhënë pëlqimin në emër të Florenco Rashkoviç.
Në kohën e përpilimit të kontratës së sipërmarrjes së përshkruar më sipër porositësi, Florenco Rashkoviç, kishte rreth dy vjet që kishte vdekur.
Çdo akt tjetër i bërë në emër të çdo personi është i pavlefshëm.
Të drejtën për të lidhur kontratë sipërmarrje apo ndonjë veprim tjetër juridik në lidhje me këtë pronë e kanë vetëm pronarët e ligjshëm të kësaj prone, një ndër të cilët jam dhe unë.
Ne kemi goditur faktin se në bazë të një kontratë sipërmarrje e cila është një veprim juridik absolutisht i pavlefshëm, pra që nuk prodhon asnjë efekt juridik, që nga dita e nënshkrimit të saj është marrë një leje ndërtimi në rrugë të jashtëligjshme.
KOLEGJI ADMINISTRATIV I GJYKATËS SË LARTË
Pasi dëgjoi kërkesën e paraqitur nga paditësi Elvis Dorzi për heqjen dorë nga rekursi, qëndrimin e mbrojtësit të tij, avokatit Sokol Robo, si edhe të përfaqësueses së palës së paditur Alb Toronto Konstrukson shpk dhe palës së paditur Bashkia Tiranë, të cilët u shprehën se e lënë zgjidhjen në çmim të gjykatës; dhe e diskutoi çështjen në tërësi në seancë gjyqësore,
V Ë R E N
Paditësi Elvis Dorzi ka ngritur në gjykatë padi me shkak ligjor dhe objekt anulimin e aktit administrativ nr.41 datë 04.02.2003 të KRRT pranë palës së paditur Bashkia Tiranë dhënë në favor të palës së paditur Alb Toronto Konstruksion shpk, duke e marrë edhe masë sigurimi të padisë së pezullimit të zbatimit të këtij akti administrativ deri në zgjidhjen përfundimtare të çështjes.
Gjykata e Rrethit Gjyqësor, me vendimin nr.3812 akti, datë 27.01.2010, ka vendosur pranimin e kërkesës duke e pezulluar zbatimin e aktit administrativ vendimi nr.41 datë 04.02.2003 të KRRT pranë Bashkisë Tiranë deri në përfundimin e gjykimit të çështjes.
E investuar mbi ankimin e të paditurës Bashkia Tiranë, Gjykata e Apelit Tiranë, me vendimin nr.410 datë 07.09.2010, ka vendosur të ndryshojë vendimin nr.3812 akti, datë 27.01.2010 të Gjykatës së Rrethit Gjyqësor Tiranë dhe të disponojë rrëzimin e kërkesës për pezullimin e zbatimit të vendimit nr.41 datë 04.02.2003 të KRRT-së të palës së paditur Bashkia Tiranë.
Kundër vendimit të Gjykatës së Apelit Tiranë ka ushtruar rekurs pala paditëse Elvis Dorzi.
Kolegji Civil i Gjykatës së Lartë, në dhomë këshillimi, me vendimin e datës 17.02.2012 ka vendosur kalimin e çështjes për gjykim në seancë gjyqësore.
Pas hyrjes në fuqi të ligjit nr.49/2012 “Për organizimin dhe funksionimin e gjykatave administrative dhe gjykimin e mosmarrëveshjeve administrative”, në seancën gjyqësore të datës 20.03.2014, Kolegji Administrativ i Gjykatës së Lartë ka vendosur të pezullojë shqyrtimin e çështjes deri në shqyrtimin përfundimtar të çështjes së themelit nr.31003-00557-00-2013.
Ndërkohë, sipas nr.Sh-397 prot, datë 23.10.2015, paditësi Elvis Dorzi ka depozituar në Gjykatën e Lartë kërkesë për heqjen dorë nga rekursi, e cila, përpara zhvillimit të seancës gjyqësore, është plotësuar me dokumentacion shtesë me shkresën E-182 prot datë 30.10.2015.
Në të tilla rrethana, Kolegji Administrativ, në këtë seancë gjyqësore, dëgjoi shpjegimet lidhur me kërkesën për heqje do rë nga rekursi të avokatit të paditësit Elvis Dorzi, si edhe qëndrimin e palëve të paditura Alb Toronto Konstruksion shpk dhe Bashkia Tiranë.
Kolegji Administrativ, e gjen kërkesën për heqje dorë nga rekursi të paditësit Elvis Dorzi të mbështetur në kushtet dhe kërkesat e parashikuara nga neni 490 i Kodit të Procedurës Civile duke qenë se është paraqitur me shkrim, nga pala që ka paraqitur rekursin, identiteti dhe vullneti për heqjen dorë nga rekursi vërtetohet nga parashtrimi shkresor në formën dhe mënyrën e treguar nga ligji për këtë qëllim përpara noterit publik dhe gjykatës.
PËR KËTO ARSYE
Kolegji Administrativ i Gjykatës së Lartë, në mbështetje të shkronjës nenit 490 të Kodit të Procedurës Civile dhe të nenit 63 të ligjit nr.49/2012 “Për organizimin dhe funksionimin e gjykatave administrative dhe gjykimin e mosmarrëveshjeve administrative”,
V E N D O S I:
Pushimin e gjykimit të çështjes nr.31001-02604-00-2010 akti.
Tiranë, më 10.11.2015
Nr. 11243-03388-00-2012 i Regj. Themeltar
Nr. 00-2015-3902 i Vendimit (604)
Do'stlaringiz bilan baham: | 
