Ноябрь 2020 10-қисм

Ноябрь 2020 10-қисм
Тошкент
MAKTABGACHA YOSHDAGI BOLALARGA INGLIZ TILINI DIDAKTIK O‘YINLAR 
ASOSIDA O‘RGATISH
Navoiy viloyati Navbahor tumani
8-DMTT ingliz tili o‘qituvchisi
To‘xtayeva Marjona Alisher qizi
Tayanch so‘zlar:
O‘yin, didaktik o‘yinlar, ingliz tili, yosh davrlari, so‘z boyligi, ta’limiy 
o‘yinlar.
Annotatsiya:
ushbu maqolada maktabgacha yoshdagi bolalarga ingliz tilini o‘rgatishning 
ayrim usullari haqida maktabgacha ta’lim tashkiloti tarbiyachilariga ayrim tavsiyalar keltirilgan. 
Har bir yosh davrining o‘ziga xos yetakchi faoliyat turi mavjud. xususan, maktabgacha yosh 
davrining ham, bu yosh davridagi yetakchi faoliyat turi – o‘yindir. Tarbiyachilarimiz bu yosh 
davrida bolalarga ta’lim-tarbiya berishda o‘yindan foydalanishsa samarali natijaga erishishlari 
mumkin.
Yosh avlod jamiyatimizning eng katta boyligi,tayanchi,kelajagi hisoblanadi. Faqat rivojlangan, 
taraqqiy etgan va haqiqiy demokratik jamiyatgina yosh avlodni asrab- avaylab, uning har 
tomonlama barkamol bo‘lib yetishish uchun barcha moddiy, ma’naviy va maishiy shart-
sharoitlarni yaratib bera oldi. Bugun mamlakatimizda yoshlarning, hattoki eng kichik yoshdagi 
maktabgacha ta’lim tarbiyalanuvchilarining ham ta’lim olishiga yetarlicha sharoit yaratildi. 
ularni nafaqat maktabga tayyorlash, balki chet tillarni o‘rganishlariga bo‘lgan e’tibor kundan-
kun kuchaymoqda. Maktabgacha ta’limda chet tilini o‘rgatish nisbatan yangi soha bo‘lganligi 
sababli uni o‘qitish va o‘rgatish yuzasidan ilmiy-uslubiy tadqiqotlar olib borilishi zaruriy va 
dolzarbdir. Shu nuqtai nazardan biz ushbu maqolada maktabgacha yoshdagi bolalarga ingliz tilini 
o‘rgatishni maqsad etgan pedagoglarga interfaol usullarga asoslangan ayrim metodik tavsiyalarni 
berishni lozim deb topdik.Maktabgacha yoshdagi bolalarga ingliz tilini o‘rgatishda so‘z boyligini 
oshirib borish dastlabki vazifalardan biri hisoblanadi. Masalan, kichik yoshli bolalarga rang 
tushunchasini o‘zga tilda, aniqrog‘i ingliz tilida o‘rgatish metodikasini olaylik. Bunda biz turli 
xil o‘yin-mashg‘ulotlardan foydalanishda tasviriy faoliyat bilan bog‘lashga harakat qilamiz va 
quyidagi usullarni tavsiya qilamiz.