Noorganik va analitik kimyo

KURSISHLARI (LOYIHALARI) BO‘YICHA KO‘RSATMALAR

Fan bo‘yicha kurs ishi. Kurs ishi fan mavzulariga taalluqli masalalar yuzasidan talabalarga yakka tartibda tegishli topshiriq shaklida beriladi. Kurs ishining hajmi, rasmiylashtirish shakli, baholash mezonlari ishchi fan dasturida va tegishli kafedra tomonidan belgilanadi. Kurs ishini bajarish talabalarda fanga oid bilim, ko`nikma va malakalarni shakllantirishga xizmat qilishi kerak.
«Analitik kimyo» fanidan o‘quv rejada kurs ishlari rejalashtirilgan bo`lib, kurs ishi mazulari kafedra majlisida tasdiqlangan.
Kurs ishi yozishga doir uslubiy ko`rsatmalar
Oliy o`quv yurtlarining kimyo ta`lim yo`nalishida taxsil olayotgan talabalar o`quv rejasiga muvofiq kunduzgi bulim 2 kursda Analitik kimyo fanidan kurs ishi yozadilar va uni kafedraning maxsus yig`ilishida himoya qiladilar. Bunda talaba tanlagan mavzusining asosiy mazmunini hamda umumiy xulosalarini qisqa vaqt 10 minutgacha ma`ruza qilish orqali yig`ilish ishtirokchilariga yetkazadi va tegishli savol javobdan so`ng baho qo`yiladi.
Kurs ishi va uning tavsifi
Kimyo fanidan bajariladigan kurs ishining vazifasi – shu fanning biror bir masalasini mustaqil ravishda eychishdan iboratdir.
Kurs ishini bajarishda talaba kimyoviy adabiyotlardagi materiallarni mustaqil tanlay bilishi va umumlashtira olishi, tajribani bajarish malaksiga ega bo`lishi, talab qilingan taqdirda esa ishning natijalarini amaliyotda tekshirib ko`rishi lozim.
Kimyo fanidan bajariladigan kurs ishi tadqiqot xarakterga ega bo`lishi va talabada ish malakasini shakllantirish lozim.
Kurs ishi referat sifatida yoki mustaqil tajriba ish sifatida ham bajarilishi mumkin. Talaba tegishli adabiyotdagi materiallarni umumlashtirganda uni yaxshilab tahlilqilish va bu materiallarni tajriba nihoyasida olgan natijalar bilan taqqoslash lozim.
Kurs ishining oxirida talaba o`zi ishlab chiqqan mavzudan kelajakda o`qituvchilik va ilmiy faoliyati davomida qanday foydalanish mumkinligini ochib berishi lozim.