Noorganik moddalar kimyoviy texnologiyasi

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI


TOSHKENT KIMYO – TEXNOLOGIYA INSTITUTI
YANGIYER FILIALI

“NOORGANIK MODDALAR KIMYOVIY TEXNOLOGIYASI” FAKULTETI

“UMUMIY FANLAR”

KAFEDRASI


TEXNIK M E X A N I K A
fanidan hisob-chizma ishlari va kurs loyihasi
uchun topshiriqlar va ularni bajarish bo’yicha uslubiy ko’rsatma


Yangiyer 2021 y.
“Texnik mexanika” fanidan hisob-chizma ishlari va kurs loyihasi uchun topshiriqlar va ularni bajarish bo’yicha uslubiy ko’rsatma. (Yuritmaning kinematik hisobi).
Tavsiya etilayotgan bu uslubiy ko’rsatma Toshkent kimyo-texnologiya instituti Yangiyer filialining “Texnik mexanika” fanini o’rganuvchi bakalavr talabalari uchun mo’ljallangan
Bakalavr talabalari “Texnik mexanika” fanidan kurs loyihasida “Yuritmaning kinematik hisobi va elektrodvigatel tanlash” bo’limi bo’yicha hisoblash uchun kerakli uslubiy ko’rsatmalar va topshiriqlarni bajarish namunasi, hamda hisob-chizma, kurs loyiha ishlarining topshiriqlari va variantlari keltirilgan.
Ushbu uslubiy ko’rsatmada bajariladigan ishning hajmi va tartibi. Ushbu texnologik mashinalarning va yuk tashuvchi mexanizmlarning qisqacha tavsifi, hamda mexanik bo’g’inlarning kinematik belgilanishi batafsil yoritilgan.


Tuzuvchilar: X.T. Mo’minov, Sh.V. Mo’minov, А.N.Shernayev
Taqrizchi: TKTI dostenti А.N.Shernayev
Mazkur uslubiy ko’rsatma “Umumiy fanlar” kafedrasi majlisida muhokama qilindi va TKTI Yangiyer filiali “Ilmiy kengashi” ga tavsiya etildi.
Bayonnoma №__ «__»____________ 201_ y.

Uslubiy ko’rsatma TKTI Yangiyer filiali “Ilmiy kengashi” da muhokama qilindi va ko’p nusxada nashr etilishga ruxsat berildi.

Bayonnoma №__ «__»____________ 201_ y.

KIRISH

Ushbu uslubiy ko’rsatma “Davlat Ta’lim Standartlari” ga muvofiq “Texnik mexanika” fanini o’rganuvchi quyidagi bakalavr yo’nalishlarining namunaviy o’quv dasturiga asosan tayyorlangan:

5522401	–	Kimyoviy texnologiya (noorganik moddalar kimyoviy texnologiyasi bo’yicha)
5522402	–	Kimyoviy texnologiya (qurilish materiallari kimyoviy texnologiyasi bo’yicha)

Kimyo sanoati korxonalarida xom ashyoni tashish, hamda ularga ishlov berish uchun texnologik mashinalar va yuk tashish qurilmalaridan keng foydalaniladi. Ushbu mashina va qurilmalarni harakatga keltirish uchun turli yuritmalardan qo’llaniladi.

Quyidagi hisob-chizma ishini bajarilishidan maqsad talabalarning “Texnik mexanika” fanining, xususan mashina detallari bo’limida aylanma harakatdagi mexanizmlarning kinematik tahlili, hamda uskuna va jixozlar yuritmalarini kinematik sxemalari va ishonchli ishlashini ta’minlashni o’rganishda olgan bilimlarini mustaxkamlash va chuqurlashtirishdir. Kinematik hisobni bajarishda talabalar loyixalashdagi dastlabki ko’nikmaga ega bo’ladilar va eng sodda yuritmalarning tuzilishi va ishlash jarayoni bilan tanishadilar.
Bu ishda talabadan umumiy yuritma uchun soddalashtirilgan kinematik hisobni bajarish talab etiladi. Bu xildagi yuritmalar ishlab chiqarishning turli soxalarida, xususan oziq-ovqat va kimyo sanoatining texnologik mashinalarida keng qo’llaniladi.
Mazkur uslubiy ko’rsatmada texnologik mashinalar va yuk tashish qurilmalari yuritmalariga, hamda aylanma harakatlarni uzatish mexanizmlariga qisqacha tavsiflari berilgan va hisob-chizma ishini bajarish va rasmiylashtirish tartibi keltirilgan. Shuningdek hisob-chizma ishi va kurs loyiha ishlariga topshiriq va variantlar berilgan.