Noorganik kimyo

Kimyo : Miloddan qariyib 4000 yil ilgari Misr, Mesopotamiya, Hindiston , Xitoy mamlakatlarida rivojlana boshladi. Amaliy kimyoviy bilimlar Misrdan qadimgi dunyoning turli qismlariga tarqalgan. ,,Kimyo “ so’zining kelib chiqishi haqida

Ikkita fikr bor: birinchisi : ,,Kimyo “ - bu arab tilida ,,qora” degan manoni bildiradi ; bu so’z Nil daryo bo’ylaridagi qora tuproqli joylarda amaliy kimyo taraqqiy etganidan kelib chiqgan bo’lsa kerak ; ikkinchisi :

,,Kimyo “ So’zi asl metallar ishlab chiqarish texnologiyasini bildiradi .

Hayotni kimyo fanisiz tasavur qilish mumkin bo`lmaganligi tufayli, atrofimizda sodir bo`layotgan o`zgarishlarning mohiyatini tushunish uchun moddalarni va ularning kimyoviy o`zgarishlari qonuniyatlarini bilish talab etiladi. Siz kelajakda biror soha mutaxassisi bo`lib yetishishingiz uchun, albatta, dast­labki kimyoviy bilim, ko`nikma va malakalarni egallashingiz zarur. Chunki, iqtisodchi - tadbirkor, san`atkor, dehqon - fermer, ishchi yoki olim, shifokor va huquqshunos, quruvchi va muhandis, umuman, barcha kasb egalari o`z faoliyatlari davomida moddalar va ulardan tayyorlangan turli xildagi mahsulotlar hamda kimyoviy jarayonlar bilan bevosita muloqotda bo`ladilar.

Kimyoviy moddalar va ulardagi o`zgarishlardan insoniyat o`z ehtiyojlari uchun qadimdan foydalanib kelgan. Xitoyda, Misrda, Markaziy Osiyoda qishloq xo`jaligi zararkunandalariga qarshi kurashda, turli xil bo`yoqlar ishlab chiqarishda, me`moriy obidalarni barpo etishda, kiyim - kechaklar tayyorlashda kimyoviy moddalar va hodisalardan keng foydalanganlar.

Kimyo tabiiy fanlar qatoriga kiradi. U moddalarning tarkibi, tuzilishi, xossalari va o`zgarishlarini, shuningdek, bu o`zgarishlarda sodir bo`ladigan hodisalarni o`rganadi. Kimyoning vazifalaridan biri — moddalarni, ularning xossalarini o`rganish va moddalardan xalq xo`jaligida qanday maqsadda foydalanish mumkinligini oldindan aytib berishdir. Masalan, aluminiy moddasini shunday ta`riflash mumkin. Aluminiy — kumushsimon oq rangli metall. U 660 °C da suyuqlanadi, juda plastik, elektr o`tkazuv-chanligi jihatdan oltin, kumush va misdan keyin turadi.