Nókis qalalıq xalıq bilimlendiriw bólimine qaraslı

MIYNET ShÁRTNAMASÍ. BÁNTLIK KEPILLIKLERI

18. Xızmetker hám Jumıs beriwshi arasındaǵı miynet múnásibetleri miynet haqqındaǵı nızamlar hám basqa normativ hújjetler (sonıń ishinde tarawlıq kelisimleri hám usı Shártnama) qaǵıydalarına muwapıq jazba túrde dúzilgen miynet shártnaması menen tártipke salınadı. Bunda miynet shártnaması tárepleriniń birewi basqa táreptiń úshinshi shaxs aldındaǵı minnetlemeleri boyınsha juwap bermeydi.

19. Jumısqa qabıl etiw tańlaw tiykarında ámelge asırılıwı múmkin. Qánigeligine, mamanlıǵına hám miynet shártnamasına muwapıq xızmetkerler tolıq jumıs penen támiyinlenedi.

20. Xızmetkerlerdiń miynet shártnamasın kásiplik awqamı komitetiniń aldın ala kelisimin almay turıp Jumıs beriwshiniń baslaması menen biykar etiwge jol koyılmaydı. Ózbekstan Respublikası Nızamlarında kózde tutılǵan jaǵdaylar buǵan kirmeydi.

Miynet shártnamasın biykar etiw huqıqına iye bolǵan lawazımlı shaxstıń usı máseledegi jazba usınısı Kásiplik awqam komitetinde Ózbekstan kásiplik awqamları Federaciyası keńesi Prezidiumınıń 2016-jıl 19-apreldegi 2-11-sanlı qararı menen tastıyıqlanǵan “Kásiplik awqam organında jumıs beriwshiniń usınısın kórip shıǵıw tártibi» tiykarında kórip shıǵıladı.

Eger xızmetkerdi jumısqa qabıllaw hám ol menen miynet shártnamasın biykarlaw huqıqı joqarı shólkemde wákilliginde bolsa, ol menen miynet shártnamasın biykarlawdan aldın mekteptiń kásiplik awqam komiteti yaki tartıslı halat júzege kelse kásiplik awqamı Nókis qalalıq bólimshesi razılıǵı alınadı, sebebi xızmetker hám shaxs sıpatında oǵan tek ǵana birge islegen miynet jámááti hámde xızmetker jumıs islegen mákemedegi kásiplik awqam komiteti baha beriwi maqsetke muwapıq.

21. Koronavirus infekciyası menen awırǵan yaki karantinge jaylastırılǵan, sonday-aq 14 jasqa tolmaǵan balanıń ata-anası, (onıń ornın basıwshı shaxslar, vasiyler, qáwenderler) menen biykarlaw qadaǵan etiledi.

22. Xızmetkerdiń waqıtsha basqa jumısqa ótkeriw haqqındaǵı ótinishi, eger bul ótinish sebepli jaǵdaylardan kelip shıǵıp hám bunday jumıs ornı mektepte bar bolsa, jumıs beriwshi tárepinen qanaatlandırılıwı kerek.

Xızmetkerniń baslaması menen basqa jumısqa ótkeriw múddeti xızmetker hám Jumıs beriwshi arasındaǵı kelisimge muwapıq belgilenedi. Bunda miynet haqı ámelde orınlanıp atırǵan jumısqa qarap (yaki aldıńǵı ortasha miynet haqıdan kem bolmaǵan muǵdarda) tólenedi.

Xızmetkerniń baslaması menen waqıtsha basqa jumısqa ótkeriw ushın sebepli jaǵdaylar dep tómendegiler esaplanadı:

a) kesel bolıp qalǵan yaki mayıplıǵı bar shańaraq aǵzasın kútip-qaraw zárúrligi;

b) jumıstıń oqıw menen qosıp alıp barılıwı;

v) finanslıq qıyınshılıqlar;

g) eki jasqa shekemgi balaları bar hayallar;

d) burınǵı jumıs ornında xızmetkerniń ómiri yaki den sawlıǵına qáwip salıwshı faktorlar júzege keliwi;

23. Islep shıǵarıw zárúrligi yaki biykar turıp qalıwı múnásibeti menen Jumıs beriwshiniń baslaması boyınsha xızmetkerdi onıń razılıǵısız waqıtsha basqa jumısqa ótkeriwge jol qoyıladı.

Mekteptegi kapital ońlaw, karantin daǵazalanıwı (túrli juqpalı keselliklerdiń juǵıw qáwpiniń kóbeyiwi) yaki basqa obyektiv sebeplerge bola xızmetkerdiń ayıbısız jumıstıń waqıtsha toqtatılıwı BIYKAR TURÍP QALÍW dep esaplanadı. Bul halatta xızmetkerge májbúriy is haqı saqlanbaǵan miynet dem alısı beriliwine jol qoyılmaydı hám Miynet kodeksiniń 159-statyasına muwapıq ortasha is haqı tólenedi.

24. Jumıs beriwshiniń baslaması menen xızmetkerdi waqıtsha basqa jumısqa ótkeriw ushın zárúrlik dep tómendegi jaǵdaylarda orınlanıwı lazım bolǵan qıstawlı hám keshiktirip bolmaytuǵın jumıslar esaplanıwı múmkin:

a) basqa xızmetkerniń jumısta waqıtsha bolmaǵan dáwirinde (oqıw sessiyasına, miynet dem alısına hám miynet haqı tólenbeytuǵın dem alısqa ketiwi, waqıtsha miynetke jaramsızlıǵı sebepli);

b) tábiyǵıy hám texnogen avariyalar, baxıtsız hádiyse, tábiyǵıy apatshılıq hám basqa tosınnan bolǵan hádiyselerdiń aldın alıw zárúrligi júzege kelgende;

v) jetilistiriw nátiyjesinde waqtınsha jumıs toqtatılǵanda.

Waqıtsha basqa jumısqa ótkeriwler múddeti jumıs zárúrligin keltirip shıǵarǵan faktorlardı saplastırıw waqtı yamasa biykar turıp qalıwdıń pútkil dáwiri menen belgilenedi. Barlıq jaǵdaylardı jámlep esaplaǵanda Jumıs beriwshiniń baslaması menen xızmetkerni waqıtsha basqa jumısqa ótkeriw múddetiniń shegarası jıl dawamında 60 kúnnen aspawı kerek (Xalıqaralıq Miynet Shólkeminiń (XMSh) Ózbekstan Respublikası tárepinen ratifikaciya etilgen 29-Konvenciyası).

Xızmetker Jumıs beriwshiniń baslaması menen waqıtsha basqa jumısqa ótkerilgen dáwirde oǵan orınlap atırǵan jumısına qarap, lekin aldıńǵı ortasha miynet haqısınan kem bolmaǵan muǵdarda miynet haqı tólenedi.

25. Jumıs beriwshi xızmetkerlerdi ǵalaba túrde jumıstan bosatıw itimallıǵı haqqında keminde eki ay burın tiyisli kásiplik awqamı komitetine maǵlıwmat usınıw hám jumıstan azat etiw aqıbetlerin jeńillestiriwge qaratılǵan másláhátli jumıslardı ámelge asıradı.

Kásiplik awqam komiteti jumıs beriwshiniń xızmetkerlerdi ǵalaba túrde jumıstan bosatıw haqqındaǵı qararın altı ayǵı shekem toqtatıp turıw boyınsha usınıstı jergilikli mámleketlik organlarına kórip shıǵıwushın kirgiziw huqıqına iye.

Mektep xızmetkerleriniń dizimdegi sanınıń ortasha 10 payızınıń bir waqıttıń ózinde jumıstan azat etiliwi xızmetkerlerdi ǵalaba túrde jumıstan azat etiliwi dep esaplanadı.

(Ózbekstan Respublikası “Xalıq bántligi haqqında”ǵı Nızamnıń Qonunining 18-statyası tiykarında, xızmetkerlerdiń ulıwma sanı 100 adamnan artıq bolǵan shólkemlerden dizimdegi xızmetkerlerdiń ortasha sanınıń 10% hám odan artıq payızı jumıstan bosatılıwı xızmetkerlerdi ǵalaba túrde jumıstan bosatıw dep esaplanadı).

26. Jumıs beriwshi qısqartılıp atırǵan xızmetkerlerdi qayta tayarlaw hám qayta oqıtıw jumısların shólkemlestiriw minnetlemesin óz moynına aladı.

27. Xızmetkerler sanı qısqartılıp atırǵanda qısqarttırıw aqıbetlerin jumsartıwǵa qaratılǵan tómendegi ilájlar názerde tutıladı:

a) jumıstı qosıp islewdi (covmestitelstvo), waqıtsha isleytuǵın xızmetkerler sanın sheklew, bir neshe kásipte islewdi qadaǵan etiw, puxaralıq-huqıqıy shártnamalar boyınsha orınlanatuǵın jumıslardı jumıslardı jámááttiń ózine beriw;

b) xızmetkerlerdiń qálewine qaray olarǵa miynet haqı saqlanbaǵan halda qısqa múddetli dem alıslar beriw;

v) qısqarttırıw haqqındaǵı eskertiw múddeti ámel etip atırǵan dáwirde xızmetkerdiń óz qálewi menen miynet shártnamasınıń biykar etiliwin táreplerdiń kelisimine bola eskertiw múddetine muwapıq keletuǵın pullı kompensaciya tólew menen ámelge asırıw;

g) xızmetkerler sanı qısqartılıwı múnásibeti menen miynet shártnaması biykar etiliwi haqqında eskertiw alǵan xızmetkerge eskertiw múddeti dawamında ózine qolay waqıtta basqa jumıs izlew ushın háptesine bir kún miynet haqı saqlanǵan halda jumısqa shıqpaslıq huqıqın beriw.

28. Eger xızmetkerler Ózbekstan Respublikası Miynet kodeksiniń 103-statyasınıń birinshi hám ekinshi bólimlerine muwapıq jumısta qaldırıwda abzallıq huqıqına iye bolmasa, onday jaǵdayda xızmetkerlerdi jumısta qaldırıwda abzallıq beriletuǵın tómendegi halatlar esapqa alınadı:

a) mayıplıq;

b) pensiya jasına jaqınlasıp qalǵanlıq (hayallar 53 jas, erler 58 jas);

v) islep atırǵan jalǵız ananıń qaramaǵında 14 jasqa tolmaǵan balalar barlıǵı;

g) awır biytap yaki mayıplıǵı bolǵan shańaraq aǵzasına qarap atırǵanǵanlıǵı.