Ata-bablarimizdin` ruwxlarin shad etiw bu`gingi awladtin` insaniyliq parizi bolip esaplanadi

Ata-bablarimizdin` ruwxlarin shad etiw bu`gingi awladtin` insaniyliq parizi bolip esaplanadi. Mine sonliqtanda ha`r jili 9-may Eslew ha`m qa`dirlew ku`ni elimizdin` tinishlig`I abadanshilig`I ushin qan to`kken, jan berip jan alg`an ma`rt azamat jawingerlerimizdi hu`rmet penen eske alamiz.
1941-jil 22-iyun ku`ni sol waqittag`I tinish-tatiw jasap atirg`an buring`I awqam mamleketimizge uris jariyalamastan, tis-tirnag`ina shekem qurallang`an fashistlik Germaniya bastirip kirdi. Mine usi waqitlardan baslap elimizdin` ko`p milletli xaliqlari bir insannin` perzentlerindey bolip, watan ushin, tuwilg`an jurti ushin,,elin dushpanlardan azat etiw ushin frontqa atlandi.
Usi waqitlardag`I “Hamme narse front ushin, hamme narse jen`is ushin” su`reni astinda Ozbekstannan 1,5 millionnan aslam jas jigitler urisqa atlandi. Sonnan 500 min`nan aslami uristan qaytip kelmedi. Mine usinday watan basina qawip tuwip turg`an dawirlerde Qaraqalpaqstan Respublikasinan 62 min`nan aslam jawingerler urisqa atlanip, olardan 30 min`nan aslami fronttan qaytip kelmedi. Kelgenlerinin` de bir bo`legi har qiyli darejede jaraqat alip den sawliginan ayrilga`n halatta elge qaytti.
Xalqimizda “at basina ku`n tuwsa, suwlig`I menen suw isher. Er basina ku`n tuwsa, etigi menen suw kesher” degen ga`p bar. Mine usi aytilganday usi waqitlardagi Ulli watandarliq uris dep aytilgan watandarliq urisqa bizler jasap atirg`an awillardanda bir neshe juz jigitler frontqa alinip o`z tuwg`an jurtin dushpanlardan azat etiw ushin bolg`an qiyan-kesti sawashlarda qatnasip jen`is ushin watinimizdin` bir azamatinday o`zlerinin` salmaqli uleslerin qosti. Usi dawirlerdegi buring`I Awqam Respublikalarinin` ko`p milletli miytindey awizbirshiligi, martligi ham qaharmanlig`I natiyjesinde 1945-jil 9-may ku`ni fashistlik Germaniya u`stinen jen`ske erisildi ha`m 9-may Jen`is ku`ni retinde bayram etip belgilendi.
Biz joqaridag`I keltirilgen qisqasha qatarlar menen uris dawirindegi xalqimizdin` basinan keshirgen qiyinshiliqlarin, jen`iske qosqan u`leslerin toliq jetkerip bere almaymiz. Awillarimizdan uristin` da`slepki ku`nlerinen aq fronqa atlanip, dushpan u`stinen jen`iske erisip, elge qytip kelgennen son` elimizdin` ekonomikasinin` rawajlaniwi ushin xaliq xojalig`inin` har qiyli tarawlarinda jemisli miynet etken awillaslarimiz barshiliq. Olardan Q.Yusupov, T.Begaliev, B.Ayekeev, J.Qayipnazarov, A.Tan`irbergenov, I. Berdimuratov. Q.Esimbetov. B.Pirjanov. X.Otegenov. E.Dawilbaev. Fayzulla ag`a .Xudaybergen ag`a. Babaniyaz ag`a ha`m basqada bir qansha mart jawinger ag`alarimizdi biz awladlar isimlerin hu`rmet penen eske alamiz. Mine usi mart jawinger ag`alarimizdan J.Qayipnazarov. I.Berdimuratov, Q.Esimbetov, A.Tanirbergenov, ha`m X. Otegenovlar uristan qaytip kelip ozlerinin` kesh jigerin xaliqtin balalarina ta`lim-tarbiya beriwge bag`ishlap hu`rmetli dem alisqa shig`aman degenshe bilimlendiriw salasinda jemisli miynet etti.
Mine usi jawingerlerimizdin` erliklerin man`gilestiriw maqsetinde ma`mleketimizdin` birinshi prezidenti I.Karimovtin` baslamasi menen 1999-jildan baslap 9-may Eslew ha`m qadirlew kuni retinde belgilenip kelmekte. Biz awlatlardin` ata-babalarimiz eske tu`siriw, ruwxlarin shad etiw, biz awladlardin` insaniyliq ha`ma`diwli waziypasi bolip esaplanadi.
Olardin` jaslig`I sawashta otken. Toplar atilg`anda sonda gu`rsildep. Ayag`in sawashta qaldirip ketken. Sizler pu`tin ayaq penen ju`rsin dep

Ulim tin`la, ju`rmen maydan ishinde. Iynimde bar jarqirag`an jaw-jaraq. Egerde men jawdi jen`ip barmasam. Tin`la ulim onnan o`lim jaqsiraq

Ulim tin`la, babalardin` so`zi bar. Watanin`a kirgen jawdi aydap shiq. Dushpanin`a hasla miyrim bolmasin. Ko`zlerin oy, ju`regine nayza tiq.

Qaytqani-qaytpag`ani ha`mmesi batir. Harbiri Rustemdey batirg`a tatir. Belurus jerindeme. Dnepr biyinda ma. Qay jerde man`gilik uyqida jatir.

Olar jig`ilsada alg`a o`rledi. Janin berdi. Elin jawg`a bermedi. Kegeyliden qansha azamat ketip. Xalqabadtan qansha jigit kelmedi.