|
MIYNETKE HAQÍ TÓLEW.
KEPILLIKLI TÓLEMLER HÁM KOMPENSACIYaLÍQ TÓLEMLER
42. Pedagoglar hám xızmetkerlerge miynet haqı tólew sisteması Ózbekstan Respublikası Prezidentiniń 2018 jıl 14-avgusttaǵı PQ-3907 sanlı qararı, Ministrler Kabinetiniń 2005-jıl 21-dekabrdegi 275-sanlı hám 2019 jıl 30-sentyabrdegi 823-sanlı qararları hám basqa normativ hújjetler tiykarında ámelge asırıladı.
43. Miynet haqını tólew múddetleri:
birinshi yarım ay ushın -sol aydıń 15-sánesinde;
ekinshi yarım ay ushın -keyingi aydıń 10-sánesine shekem.
Miynet haqı tólenetuǵın kún dem alıs kúni yamasa bayram kúnine tuwrı kelip qalsa, miynet haqı usı kúnler qarsańında tólenedi.
44. Xızmetkerniń razılıǵı menen miynet haqınıń bir bólegi onıń plastik kartochkasına ótkerip beriledi, bunday ótkerme muǵdarı tólenetuǵın summanıń 50 payızınan aspaydı.
45. Xızmetkerge miynet haqı tólew usı Shártnamada belgilengen múddetlerge qaraǵanda banktiń ayıbı menen keshiktirilgende Jumıs beriwshi (Ózbekstan Respublikası Ministrler Kabinetiniń 2001-jıl 22 iyundegi 264-sanlı qararı tiykarında dúzilgen bank hám klient arasındaǵı xızmet kórsetiw shártnamasına muwapıq) bank basshılıǵına járiyma óndiriw haqqında talapnama kirgiziwdi hám óndirilgen járiymanı miynetke haqı tólewdi tártipke salıwǵa jóneltiwdi óz moynına aladı.
46. Jumıs beriwshi miynetke haqı tólewge hám miynetti normalastırıwǵa baylanıslı lokal hújjetlerdi, sonday-aq olardı engiziw tártibin Kásiplik awqam komiteti menen kelisip aladı.
47. Mektepte kóbeytilgen muǵdardaǵı miynet haqı, ústemeler, qosımsha tólemler hám kompensaciyalardıń tómendegi túrleri hám muǵdarları ornatıladı:
- túngi waqıttaǵı jumıs ushın - keminde bir yarım esesi muǵdarda, yaki xızmetkerdiń qalegen kúni bir kúni otgul;
- jumıs waqtınan tısqarı jumıslar, dem alıs hám bayram kúnlerindegi jumıs ushın - keminde eki ese muǵdarda haqı tólenedi, yaki xızmetkerdiń qalegen kúni bir kúni otgul;
- bir neshe kásip hám lawazımda islegenligi, orınlap atırǵan jumıslar kóleminiń kóbeygenligi, óziniń tiykarǵı jumısı menen bir qatarda jumısta waqtınsha bolmaǵan
xızmetkerlerdiń wazıypaların orınlaǵanı ushın, sonday-aq qosıp islew tiykarında jumıs islengende, xızmetkerlerdiń miynet haqı muǵdarı miynet shártnamasınıń tárepleri arasındaǵı kelisimge muwapıq ámelde orınlanǵan jumısına qaray, lekin xızmetkerniń lawazım miynet haqısınıń 50 payızınan kem bolmaǵan muǵdarda belgilenedi. (Ózbekstan Respublikası Ministrler Kabinetiniń 2012-jıl 18 oktyabrdegi 297-san menen tastıyıqlanǵan “Orınbasarlı tiykarında hámde bir neshe kásipte hám lawazımda islew tártibi haqqındaǵı nızam” qaǵıydaları bejeriledi) (160-statya);
- Ózbekstan Respublikası ishindegi xızmet saparları ushın hám Is beriwshiniń máplerinde, sondayaq lokal hújjetlerde nazerde tutılǵan hallarda májbúriy qanigeligin asırıw kurslarında qanige asırıw múddetine tólenetuǵın kompensaciyalar «Ózbekstan Respublikası boylap xızmet saparları haqqındaǵı Kórsetpesi»ne (Ózbekstan Respublikası Qarjı ministrligi hám Ózbekstan Respublikası Miynet hám xalıqtı sociallıq jaqtan qorǵaw ministrligi tárepinen 2003-jıl 24-iyulde 83 hám 7/12-sanı menen tastıyıqlanıp, Ózbekstan Respublikası Ádillik ministrliginde 2003-jıl 29-avgustta 1268-sanı menen dizimge alınǵan) hám Ózbekstan Respublikası Miynet kodeksiniń 171-statyasına tiykarlanıp tómendegilerdi óz ishine aladı:
a) jol haqı qárejetleri normativ tiykarında;
b) turaqlı jasaw ornınan basqa orında jasaw, sonnan úy-jay ijárası menen baylanıslı qárejetler;
v) Ózbekstan Respublikasında ornatılǵan bazalıq esaplaw muǵdarınıń 10 payızı muǵdarında sutkalıq qárejetler
g) xızmetker tárepinen jumıs beriwshiniń ruxsatı yamasa kelisimi menen jumsalǵan basqa qárejetler.
- Ózbekstan Respublikasınan tısqarıdaǵı xızmet saparları ushın tólenetuǵın kompensaciyalar (Ózbekstan Respublikası Ádillik ministrliginde 2015 jıl 19-noyabr kúni 2730-sanlı dizimge alınǵan Ózbekstan Respublikası Qarjı ministrliginiń 2015-jıl 19-oktyabrdegi 19-sanlı buyrıǵı menen tastıyıqlanǵan) «Ministrlikler, uyımlar, kárxanalar hám shólkemler xızmetkerleri Ózbekstan Respublikasınan tısqarısına xızmet saparına jiberilgende xızmet saparı qárejetleri ushın qarjılar beriw tártibi haqqındaǵı nızam»ǵa muwapıq ámelge asırıladı;
- Jumıs beriwshiniń kelisimi menen hám onıń mápleri jolında xızmetker ózine tiyisli mal-múlk (ásbap-úskeneler, shiyki zatlar hám basqalar)dan (avtotransport quralınan tısqarı) paydalanǵanda olardıń Ózbekstan Respublikası Salıq kodeksiniń 306-statyasında keltirilgen normalar tiykarında esaplap shıǵılǵan amortizaciyası kóleminde qárejetler qaplanadı;
- Jumıs beriwshiniń usınısına muwapıq xızmetker basqa orındaǵı jumısqa kóship barǵanda onıń tómendegi qosımsha qárejetleri tólenedi:
a) kóshiw hám mal-múlkti kóshirip barıw menen baylanıslı qárejetler;
b) jańa orında ornalasıp alıw menen baylanıslı qárejetler;
v) xızmetker tárepinen jumıs beriwshi menen kelisip islengen basqa qárejetler.
- jumıs processinde zıyansızlandırıwshı qurallardan paydalanǵanı ushın hájetxana sipsekeshleriniń lawazım aylıqlarına 10 payız muǵdarda kompensaciya.
48. Mektepte ámeliyat ótewshi joqarı oqıw orınları studentleriniń hám orta arnawlı, kásip-óner bilimlendiriw meákemeleri oqıwshılarınıń miyneti ushın haqı Kásip-óner kollejleri oqıwshılarınıń ámeliyatı haqqındaǵı Nızamǵa muwapıq ámelge asırıladı.
49. Jumıs beriwshiniń kórsetpesine muwapıq jumıs beriwshi hám miynet jámáátiniń máplerine baylanıslı wazıypalardı atqarıw (qánigeligin asırıw, xızmet saparında bolıw, medicinalıq kórikten ótiw, náwbetshilik, (oqıwlar) ashıq sabaqlar ótkiziw hám basqa hár túrli ilájlarda qatnasıw) maqsetinde xızmetker óziniń tiykarǵı wazıypasınan azat etiledi.
50. Egerde joqarıda kórsetilgen ilájlar jumıs waqtında ótkerilse, bul jaǵdayda xızmetkerniń ortasha miynet xaqı saqlanıp qalınadı, usı ilájlar jumıstan tısqarı waqıtta ótkerilse, xızmetkerge sarıplanǵan waqtına proporcional qosımsha dem alıs waqtı beriledi.
51. Óbekstan Respublikası Ministrler Kabinetiniń “Miynet bazarında miynet múnásibetlerin tártipke salıwǵa tiyisli qosımsha is-ilajları haqqında”ǵı 2019-jıl 6-sntyabrdegi 743-sanlı qararınıń 1-qosımshasına muwapıq jıllıq ústeme hám jıllıq qosımsha miynet dem alısları briledi. Sondayaq, mektep xızmetkerleriniń ayırım kategoriyalarındaǵı miynetine haqı tólewde joqarıdaǵı qarardıń 4-qosımshasında keltirilgen birden-bir tarif setkası boyınsha razryadlar inabatqa alınadı.
Do'stlaringiz bilan baham: | 
