|
29. Kásiplik awqam komiteti mektepte bántlikti támiyinlew, isten bosap atırǵan xızmetkerlerdi qorǵaw máselelerin, sondayaq xızmetkerlerdiń social-ekonomikalıq huqıq hám máplerin qorǵawǵa tiyisli basqa máselelerdi sheshiwde qatnasaıw huqıqına iye. (Ózbekstan Respublikası «Kásiplik awqamları haqqında»ǵı Nızamnıń 27-statyası).
Is beriwshi mektepte xızmetkerlerdi májbúriy miytetke, sonıń ishinde átiraptı abadanlastırıw hám awıl xojalık jumıslarınıń túrli islerine qatnastırmaydı.
Kásiplik awqam komiteti Mektep xızmetkerlerin majbúriy miynetke, sonıń ishinde átiraptı abadanlastırıw hám awıl xojalıq jumıslarınıń túrli islerine qatnastırıwdıń aldın alıw boyınsha jámáátlik qadaǵalawdı alıp baradı.
JUMÍS WAQTÍ HÁM DEM ALÍS WAQTÍ
30. Pedagog xızmetkerlerdiń háptelik jumıs saatı Ózbekstan Respublikası xalıq bilimlendiriw ministrligi, Ózbekstan Respublikası bántlik hám miynet múnásibetleri ministrliginiń 2018-jıl 27-iyuldegi 9-xx sanlı qarar menen tastıyıqlangan “Ulıwma orta bilimlendiriw mektepleriniń pedagog qánigelikleri boyınsha úlgi jıllıq is-rejesin islep shıǵıw tártibi haqqındaǵı kórsetpe”ge muwapıq belgilenedi.
Basqa xızmetkerler ushın tómendegi háptelik jumıs saatları belgilenedi:
- 16 jastan 18 jasqa shekem bolǵan xızmetkerler ushın - 36 saat;
- zıyanlı sharayatlardı islewshi xızmetkerler (laborantlar, arnawlı sipsekeshler) - 36 saat
- normal miynet sharayatlarındaǵı jumıslarda bánt bolǵan xızmetkerler hám basshılar ushın - 40 saat;
- I hám II topar mayıp bolǵan xızmetkerler ushın - 36 saat;
Jumıs kúniniń uzaqlıǵı, onnan paydalanıw tártibi, jumıstıń baslanıwı hám tamamlanıwı mektepniń Ishki miynet tártibinen kelip shıǵıp belgilenedi.
Sabaqlıq saatlar Ózbekstan Respublikası Ádillik ministrligi tárepinen 2020 jıl 30-iyunda 3271-sanlı dizimge alınǵan “Ulıwma bilimlendiriw mákemelerinde klasslardı komplektlew hám tarifikaciya dizimin qáliplestiriw tártibi haqqındaǵı Nızam”nıń 15-statyası tiykarında tártipke salınadı.
31. Ózbekstan Respublikası Miynet kodeksiniń 229-statyasında názerde tutılǵan jaǵdaylarda, sonday-aq tómendegi tiykarlardıń biri bar bolǵanda xızmetkerniń ótinishine bola oǵan tolıqsız jumıs waqtı belgilep qoyılıwı shárt:
a) shańaraq aǵzalarınıń birewiniń keselligi;
b) jumıstı oqıw menen qosıp alıp barılıwı;
v) profilaktikalıq emleniw zárúrligi;
g) texnologiyadaǵı, islep shıǵarıw hám miynetti shólkemlestiriwdegi ózgerislerge baylanıslı xızmetkerler sanının qısqarıwınıń aldın alıw.
32.Mektepte xızmet kórsetiwshi qarawıllar hám máwsimli isshiler ushın jumıs waqtı smena túrinde sutkasına on eki saattan aspaǵan halda shólkemlestiriledi. Smenada islew boyınsha grafik dúzilip, xızmetkerler tanıstırıladı hám is beriwshi tárepinen tastıyıqlanadı. Grafik tiykarında tabel rásmiylestiriliwi lazım.
33. Jumıstan tısqarı waqıtlarda jumısqa tartıw tek ǵana xızmetkerniń razılıǵı menen ámelge asırıladı.
34. Xızmetkerlerdi keshki hám túngi waqıtlarda, dem alıs hám bayram kúnleri jumısqa tartıwǵa tómendegi sebebeplerge bola jol koyıladı:
a)tabiyǵıy hám texnogen tústegi avariyalar, baxıtsız hádiyse, tabiyǵıy apat hám basqa ayrıqsha jaǵdaylardıń aldın alıw zárúrligi kelip shıqqanda;
b) oqıw jılına tayarlıq isleri juwmaǵına jetpegende, bunda pedagoglar tek funkcional wazıypalarındaǵı islerge tartılıwı múmkin.
Sonday-aq nızam hújjetlerinde belgilengen sheklewlerdi esapqa alǵan halda, Jumıs beriwshiniń Kásiplik awqam komiteti menen kelisip qabıl etilgen jazba biyligine muwapıq ámelge asırılıwı múmkin.
35. Xalıq bilimlendiriw mákemeleri xızmetkerlerine miynet dem alısları Ózbekstan Respublikası Bántlik hám miynet qatnasıqları ministrligi, Ózbekstan Respublikası xalıq bilimlendiriw ministrligi hámde Ózbekstan bilimlendiriw, ilim hám mádeniyat xızmetkerleri Respublika keńesi arasında 1997 jıl 25-iyunde imzalanǵan halıq bilimlendiriw dizimi xızmetkerleri lawazımları ushın belgilengen uzaytılǵan dem alıslar dizimine muwapıq beriledi (qosımsha 2).
Xızmetkerlerge birinshi jumıs jılında jıllıq miynet dem alısı olardıń usı mektepke jumısqa kirgen waqtınan biyǵarez haqıyqıy islegen waqtına múnásip ráwishte is haqı tólengen halda jazǵı dem alıs kúnleri tolıq beriledi. Dem alıs hár jılı, sol miynet dem alısı berilip atırǵan is jılı tawsılǵanǵa shekem beriliwi kerek. ISlep shıǵarıw sebeplerine bola usı jılda miynet dem alısın tolıq beriw imkaniyatı bolmaǵan ayrıqsha jaǵdaylarda, xızmetkerlerdiń razılıǵı menen miynet dem alısınıń on eki kúnnen artık bolǵan bólegin keyingi is jılına kóshiriliwi múmkin, sol jılı odan álbette paydalanıwı kerek. Jıllıq tiykarǵı miynet dem alısı ekinshi hám onnan keyingi jılları ushın miynet dem alısı grafigine muwapıq jıldıń qálegen waqtında beriledi. (pedagoglardan basqa, MK 143-statyası).
Ózbekstan Respublikası Prezidentiniń hár jılı «Rásmiy sánelerdi nıshanlaw waqtında qosımsha islemeytuǵın kúnlerin belgilew hám dem allıw kúnlerin kóshiriw haqqında»ǵı Pármanlarına muwapıq qosımsha dem alıu kún(ler)i dep belgilenedi.
Qosımsha dem alıs kún(ler)i har jılı miynet dem alısınıń dawamlılıǵın qısqartıw esabınan qaplanadı, hár jılı miynet dem alısı dáwirinde saqlanatuǵın ortasha aylıq is haqı muǵdarın esaplawda miynet dem alısınıń ámeldegi dawamlılıǵı esapka alınadı, oǵan qosımsha dem alıs kún(ler)i qosıladı.
Hár jıllık miynet dem alısınıń dawamlılıǵı qısqartıwtdı esapqa alǵan halda da jıllıq miynet dem alısı dawamlılıǵı 15 kúnnen kem bolmawı támiyinlenedi.
36. Jumıs beriwshi tómendegi jaǵdaylarda xızmetkerdiń miynet haqısı saqlanıp qalınatuǵın dem alıs beriw haqqındaǵı ótinishin qanaatlandırıwdı óz moynına aladı:
- jaqın tuwısqanı qaytıs bolǵanda -3 kún;
- xızmetker hám onıń perzentiniń toy máresimin ótkeriwge -3 kún;
- altın, gúmis toylarında -2 kún;
- jańa qonısqa kóshkende -2 kún.
Do'stlaringiz bilan baham: | 
