Nókis qalalıq xalıq bilimlendiriw bólimine qaraslı

103. Jumıs beriwshiniń minnetlemeleri:

a) jumıs ornı qısqartılıp atırǵan hayallardı miynet bazarında talap bolǵan kásiplerge oqıtıwdı támiyinlew;

b) hayallarǵa qánigeligin asırıw hám qosımsha maǵlıwmat alıw huqıqınan paydalanıw ushın imkaniyatlar jaratıp beriw;

v) mektepte miyneti waqıtsha paydalanılmaytuǵın hayallar ushın kasanashılıqtı shólkemlestiriw;

g) Mektep (sistema birligi) rekonstrukciyadan keyin iske túsirilgende onda jumısqa ornalastırıw ushın qayta oqıtılǵan hám burın usı mektepte miynet etken hayallarǵa abzallıqlar beriw;

d) Medicinalıq juwmaqqa muwapıq hámledar hayallarǵa jeńilirek yamasa qolaysız islep shıǵarıw faktorları tásirinen awlaq bolǵan jumıs orınların ajıratıw;

e) hámledar hayallardıń medicinalıq kórikten ótiwi ushın, olardıń ortasha miynet haqısı saqlanǵan halda jumıstan azat etiw, eger usı kórikti jumıstan tısqarı waqıtta ótkeriw imkaniyatı bolmasa;

j) úsh jasqa tolmaǵan balaları bar hayallarǵa 1 saatqa qısqartırılǵan jumıs kúnin belgilew;

z) eki yaki odan artıq 12 jasqa shekem balaları bolǵan hayallarǵa hár ayda 1 kúnnen ibarat bolǵan miynet haqısı saqlanbaytuǵın dem alıs kúni hámde hár is kúninde miynet haqı saqlanǵan halda 1 saat qısqartırılǵan jumıs waqtın belgilew;

i) normativte názerde tutılǵanınan tısqarı xızmetker hayallar ushın jeke gigiena xanaların shólkemlestiriw, sawallandırıw orınları hám dem alıs xanaların shólkemlestiriw.

104. Eki jasqa shekem balası bar hayallarǵa, balasın awqatlandırıw ushın hár úsh saatta 30 minuttan tánepis beriledi, ekewden kóp 2 jasqa shekem balası bar hayallarǵa bolsa hár úsh saatta 1 saattan tánepis belgilenedi. Balanı awqatlandırıw ushın beriletuǵın tánepisler jumıs waqtına qosılıp, ortasha miynet haqı tólenedi. Xızmetker hayaldıń qálewine qarap, balanı awqatlandırıw ushın ajıratılǵan tánepisler waqtı dem alıs hám awqatlanıw ushın belgilengen tánepiske qosıp beriliwi yamasa ulıwmalastırılıp, jumıs kúniniń basına yamasa aqırına ótiwi múmkin (Ózbekstan Respublikası Miynet kodeksiniń 236-statyasına tiykar).

105. Kásiplik awqam komiteti hayallardıń miynet sharayatların jaqsılawǵa kómeklesiwdi óz moynına aladı, hayallar miyneti hám den sawlıǵın qorǵaw boyınsha Mekteptiń sociallıq bagdarlamasınıń orınlanıwında Jumıs beriwshige jaqınnan járdem beredi.

106.Tárepler Ózbekstan Respublikasınıń “Hayal-qızlar hám erkekler ushın teń huqıq hámde imkaniyatlar kepillikleri haqqında”ǵı Nızamında názerde tutılǵan tómendegi kepilliklerge boysınıwın hámde jeńillikler berlwin támiyinlew májbúriyatın óz moyınına aladı:

• Hayal-qızlar hám erkekler ushın teń huqıq hámde imkaniyatların támiyinlew májbúriyatların Mektep hám onıń dizimindegi bólimleriniń wákilli shaxs moyınına júklew;

• Jumısqa qabıllawda hám xızmet babında kóteriwge qatınkızlar hám erkekler ushın teń sharayat hámde imkaniyatlar jaratıw;

• Hayal-qızlar hám erkekler miynetine haqı tólewde teńsizlikti joq etiw.