Nókis filialí Kаypnazarov S. G., Maxambetova U., Dauletmuratova R

Úlgılardi saqlaw shártleri
Ólshenip atırǵan (sınap atırǵan) úlgiler ólshewler atqarılǵanǵa shekem qanday da waqıt dawamında saqlansa, saqlaw shártleri nátiyjege tásir etiwi múmkin. Sol sebepli, saqlaw dawam etiw waqtı, sonıń menen birge saqlaw shártleri anıq emeslikderekleri retinde kórılıwı kerek.
Apparatura effektleri
Bunday effektler, mısalı, analitik tárezılar anıqlıq shegaraların; dizimge alınǵanlarınan parq etiwshi (berilgen shegaralarda) ortasha temperaturanı uslap turatuǵın temperatura retlegishiniń bar ekenligin; artıqsha júklew effektlerine dus keliwi múmkin bolǵan avtomatikalıq analizatordı óz ishine alıwı múmkin.
Reaktivler tazalıǵı
Hátte baslanǵısh reaktiv tekserilgen bolsa da, bul tekseriw metodikası menen ģárezli bolǵan qanday da anıq emeslik qalǵanlıǵı sebepli titrlawushın eritpe koncentraciyası absolyut anıqlıqta belgileniwi múmkin emes. Kóp reaktivler, mısalı, organikalıq boyawlar 100 % taza bolıp esaplanbaydı hám quramında izomerler hám anorganik duzlar bolıwı múmkin. Bunday elementler tazalıǵı tayarlawshı tárepinen kemindesonday dárejede kórsetiledi. Tazalıq dárejesine tiyisli bolǵan hár qanday shamalar anıq emeslik elementin kiritedi.
Shamalanǵan stexiometriya
Analitik process penen anıqlanǵan stexiometriyaģa boysınadı dep shamalanǵanjaǵdaylarda kútilip atırǵan stexiometriyadan iyiwlerdi yamasa reakciyanıń tolıq emesligin yamasa járdemshi reakciyalardı esapqa alıw zárúr bolıwı múmkin.
Ólshewler shártleri
Ólshewli shiyshe ıdıs, mısalı, ol kalibrlengen temperaturadan parq etiwshi temperaturada qollanılıwı múmkin. Úlken temperatura effektleri dúzetiwler kirgiziw menen esapqa alınıwı kerek, biraq bul halda da suyıqlıq hám shiyshe temperaturası mánislerindegi hár qanday anıq emeslik kórip shıǵılıwı kerek.
Soǵan uqsas, eger qollanıp atırǵan materiallar ıǵallıqtıń múmkin bolǵan ózgeriwlerine seziwsheń bolsa átirapdaǵı hawanıń ınallıǵı áhmiyetke iye bolıwı múmkin.
Úlginiń tásırı
Quramalı matrica quramı anıqlanıp atırǵan komponenttiń shıǵarıp alınıwına yamasa ásbaptıń juwabına (kórsetiwine) tásir etiwi múmkin. Anıqlanıp atırǵan komponentti tabıw formasına seziwsheńlik bul tásirdi jáne de kúsheytiwi múmkin.
Úlgi yamasa anıqlanıp atırǵan komponent turaqlılıǵın analiz processinde ıssılıq rejiminiń yamasa fotolıtik effekttiń ózgeriwi sebepli ózgeriwi múmkin. Shıǵarıp alıw dárejesin bahalaw ushın bazı «áhmiyetli qosımsha» isletilingende anıqlanıp atırǵan komponenttiń úlgiden anıq shıǵıwı qosımshanı shıǵarıp alıw dárejesinen parıq etiwi múmkin, bul bolsa bahalaw kerek bolǵan qosımsha anıq emeslikti kiritedi.