Nizomiy nomidagi toshkent davlat pedagogika universiteti zamonaviy uzluksiz ta

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
220 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ 
Бу эса ўқувчининг нафақат асар қаҳрамонини баҳолашни, балки, ўзининг ҳам яхши ва ёмон 
хислатларини очиб бера олишини кўрсатади. Ана шундай адолатли таққослашлар орқали, 
аввало, ўқувчининг бадиий тафаккури, фикрлаш доираси кенгайиб боради ва нутқи 
ривожланади, энг асосийси, ўқувчида эркин фикрлаш ва ўз фикрини ўзгалар олдида бемалол 
баён этиш сифатлари шаклланади. Беъжизга улуғ рус адиби М.Горкий “ Ўзимдаги барча 
яхши хислатлар учун китобдан миннатдорман”, деб таъкидламаган. Ҳақиқатан ҳам китоб 
ўқиш ва уни уқиш жараёнида ўқувчи шахсида фақат ва фақат яхши хислатлар шаклланади. 
Дарҳақиқат, китоб ўқиган одамнинг тубан ишларни қилишга унинг биринчи навбатда 
виждони ва маънавияти йўл қўймайди. Шу сабабли китоб мутолааси ёшларни комиллик сари 
этаклаб, жаҳолатдан қутқаради. Ҳозирги фан- техника, ахборот- коммуникациялари, 
интернет ва бир қанча замонавий мобиль алоқа дастурлари ривожланган жамиятда ёшларни 
китоб мутолаасига қайтариш ва қизиқтириш бир қанча қийин ишдек туюлади. Аммо 
ўқитувчи, ота- она, маҳалла- куй бундай вазифага сидқидилдан ёндашсагина ўзининг 
самарали натижасини беради. Шу ўринда Ўзбекистон халқ шоири Сирожжид Саййиднинг 
қуйидаги фикрларини келтиришни ўринли деб билдим: “ Истаган адибингизни ҳам, 
китобингизни ҳам шохини қайириб, томирини қирқиб берадиган, компьютер асрида, 
интернет замонида Навоий бобомизнинг “Хамса”сидан “ Фарҳод ва Ширин” достонини 
ўқиётиб, нохос ўзим учун кутилмаган бир қизиқ мўъжизани кашф қилгандай бўлдим:
Интернет замони хўп мўъжизакор, 
Айтай Шарқ закосин қадим сеҳридан: 
Фарҳод ўз Ширинин кўргандир илк бор, 
Ҳазрат Навоийнинг компьютеридан. 
Шунингдек, муҳтарам Президентимиз Ш. Мирзиёев ҳам шундай фикрларни 
таъкидлаб ўътадилар: Бугунги болалар эртанги кун халққа айланади. Ёшларни китобга 
қайтаришимиз керак. Ахборот- коммуникация соҳасидаги охирги ютуқларни ўзлаштириш 
билан бирга, ёшларни китоб ўқишга бўлган қизиқишини кучайтиришга , уларнинг китоб 
билан дўст бўлишга, аҳолининг китобхонлик савиясини янада оширишга алоҳида эътибор 
қаратиш лозим бўлади. Китобсиз тараққиётга, юксак маънавиятга эришиб бўлмайди. Китоб 
ўқимаган одамнинг ҳам, миллатнинг ҳам келажаги йўқ. Дарҳақиқат, бу фиклар аллақачон ўз 
тасдиғини топган ва шу ўринда , аввало, ёшларни китоб ўқишга қизиқтириш оиладан 
шаклланади. Оилада дунёга келиб, шаклланадиган шахс китоб мутолаа қилсагина, эркин 
фикрлайдиган, ҳар қандай салбий таъсирларга берилмасдан, атрофдаги воқеа- ҳодисаларни 
ҳаққоний баҳолайдиган, жамият, давлат, халқ манфаатларини ўз манфаатидан устун 
қўядиган, ташаббускор шахс бўлиб етишади. Масалан оилада ота- она, мактабда ўқитувчи 
дарс тайёрлашни талаб қилса, уларни мутолаага қизиқтирса, бола , алабатта, буни тушуниб 
етади. Унда ўз мажбуриятини, бурчини бажариш кўникмаси ҳосил бўлади. Ёшликдан бирор 
ишни бажаришга интилади, изланади. Оила муҳити боланинг нафосат тарбиясига ҳам катта 
таъсир этади. Болаларда ёшликдан бадиий адабиётга меҳр уйғотиш орқали ҳаётдан 
завқланиш, яхши- ёмонни фарқлаш, эзгуликка интилиш, мулоҳаза билан иш юритиш, ҳар 
қандай вазиятда ўзини тута билиш, мустақил фикрига эга бўлиш каби кўникмалар 
шаклланади.
Хулоса қилиб айтадиган бўлсак, она Ватанимизнинг ўзи буюк ва бетимсол китоб. Бу 
улуғвор китобни ўқиб, англамоқ учун ҳам, унинг қадр ва қимматига етиб юрмоқ, чин ва 
садоқатли, маърифатли ва билимли фарзанд бўлиб шарафламоқ учун ҳам кўп- кўп, жуда кўп 
гўзал ва чиройли китобларни мутолаа қилиши шарт ва зарурлигини англаб етган ҳар бир 
ўғил- қиз шу Ватаннинг энг кўркам ва бахтли дилбанди бўла олади ва китоб билан доимий 
ҳамроҳ тутинган кўнглида бузғунчи ғояларга ўрин қолмайди.