Nizomiy nomidagi toshkent davlat pedagogika universiteti zamonaviy uzluksiz ta

Loyihaviy ta’lim texnologiyalari. O‘quvchilar loyiha ustida ishlaydilar. O‘qitish o‘quvchi 
shaxsiga qaratilgan, o‘qituvchi esa ko‘makchi vazifasini bajaradi. Uzoq muddat davomida 
o‘quvchilar guruhlarda ishlaydilar, ma’lumotlar izlaydilar, ekspertlarga murojaat qiladilar, loyiha 
yakunida amalga oshirilgan ishlar yuzasidan taqdimot qiladilar (veb-sayt yaratadilar, broshyura 
yoki buklet yasaydilar, videoklip yaratadilar). Loyiha davomida o‘quvchilar bir qancha turli hil 
masalalarni hal etadilar, lekin loyihaning o‘zi har doim ham muammoga qaratilgan bo‘lmasligi 
mumkin. Loyihalar tadqiqotlarga asoslangan bo‘lishi mumkin, lekin loyihaning maqsadi har doim 
ham o‘quvchilarda tadqiqotchilik ko‘nikmalarini shakllantirish emas. Masalan: 
An’anaviy ta’limda matematika darsi. 
O‘qituvchi mavzuga oid teorema yoki ta’rifni sinf taxtasida tushuntiradi hamda tegishli 
masala va mashqlardan namuna yechib ko‘rsatadi. O‘quvchilar darslik bilan ishlaydi, 
namunadagi yechilgan misol va mashqlarga asoslanib darslikdagi misollarni va testlarni 
ishlaydilar. O‘qituvchi esa shunga asosan o‘quvchilarning mavzuga oid bilimlarini tekshiradi. 
Loyihaviy ta’lim texnologiyasida matematika darsi. 
To‘rtburchaklar, ularning hossalari, turlari, tomonlari o‘rtasidagi munosabatlar, perimetr va 
yuza tushunchalariga oid mavzuni o‘quvchilar loyihaviy texnologiya asosida o‘rganadilar. 
Bunda, ular maktab sport maydonchasini qurish, uning loyihasini tuzish, o‘lchami, kerakli 
qurilish ash’yolari haqida hisob kitob ishlarini amalga oshiradilar. Loyiha davomida o‘quvchilar 
maktab atrofida yashovchi aholi o‘rtasida ushbu sport maydonchasi qanday bo‘lsa ular uchun 
qulayliklar tug‘diradi degan savol bilan murojaat qilishib so‘rovnomalar o‘tkazadilar. Loyiha 
yakunida esa barcha hisob-kitob ishlari, chizmalar va aholi fikrlarini maktab ma’muriyatiga 
taqdim etadilar. 
Loyihalarga namunalar: 
 “Yil fasllari” loyihasi. Ushbu loyihada o‘quvchilar Atrofimizdagi olam o‘quv yili