Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Beshinchi musofir hikoyatida adanlik malika Mehr bilan yamanlik shahzoda 
Suhaylning  sevgi  sarguzashti  hikoya  qilinadi.  Bu  sarguzasht  oshiq-ma’shuqaning 
sevgi  sarguzashti  bo’lishi  bilan  birga  yovuzlik  ustidan  ezgulikning  g’alabasi 
hamdir. 
«Mehr  va.  Suhayl»    hikoyatining  yetakchi  mavzusi  sevgidir.  Bu  sevgi 
samimiyat,  vafo  va  sadoqat,  mardlik  va  jasorat,  ezgulik  kabi  fazilatlarni 
mujassamlashirgan.  Sevgi  oshiqlarga  kuch-qudrat  jasorat  bag’ishlaydi.  Ular 
birgalikda  qaroqchi  Jobirni  yengib  g’olib  chiqadilar.  Samimiy  sevgiga  bo’lgan 
sadoqat, zolim, munofiq shaxslarga nisbatan nafrat, ularga qarshi shafqatsiz kurash 
bu hikoyatning asosiy g’oyasidir. 
Yuzlab  kishilarni  dengizga  cho’ktirgan,  kemalarni  talab,  qaroqchilik  bilan 
boylik  yig’uvchi  Jobir  Suhayl  qahramonligi  oldida  ma’naviy  mag’lub  bo’ladi.    U 
hiyla  bilan  Suhaylni  yengsa-da,  uning  mardligi,  botirligiga,  jasoratiga  tan  beradi, 
Suhaylni o’ldirmaydi. Uni aql va tadbir, jasorat va mardlik, do’stlik va hamjihatlik 
yengadi. Hikoyat muhabbat va sadoqatnikg yovuzlik va zolimlik ustidan g’alabasi 
bilan tugaydi.