Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Mehnatsevarlik  va  yaratuvchanlik.  Farhod  yoshligidan  xalqni  o’ylashi, 
uning  og’irini  yengillatishga  urinishi,  chumoliga  ham  ozor  yetkazmasligi  bilan 
ajralib  turadi.  U  o’zining  favqulodda  xususiyatlari,  alohida  iste’dodiga  qaramay, 
sira  xalqdan  ajralmagan.  Hamisha  yel-yurtga  xizat  qilishni,  xalqqa  foydasi 
tegishini  ko’zlaydi.  Uning  bu  sifati  Shirinni  izlab,  Armanistonga  kelganida  tog’ 
qazuvchilarning og’ir mehnatini ko’rganida yaqqol namoyon bo’ladi.   
Hunarni asrabon netkumdir oxir, 
Olib tuproqqamu ketkumdur oxir?! 
Farhod darhol ishga kirishadi. U mashaqqat chekib, tog’dagi qal’aga suv olib 
keladi.  Undan  nafaqat  Shirin, balki butun xalq  bahramand  bo’ladi.  Bu bilan shoir 
Haq  yo’lida  qilingan  ishning  xalqqa  ham  foydasi  katta  ekanligiga  urg’u  beradi. 
Navoiy  g’oyalarining  hayotiyligi  shundaki,  Farhod  obi  hayotni  kurash  va  katta 
zahmat bilan qulga kiritadi. Farhodning bu faoliyatida o’zbek xalqining obi hayot 
haqidagi  asriy  orzulari,  unga  qaratilgan  kurashlari  o’z  ifodasini  topgan.  Arman 
xalqining  kanal  bitishiga  ko’z  tutishi,  unga  suv  ochilgan  kundagi  shodiyonalar 
tasvirida ham shoir xalq qarashlarini ifodalaydi. Shoir mehnatning yaratuvchanlik, 
o’zgartuvchanlik  kuchiga  yuqori  baho  beradi,  uni  inson  hayotining  yuksak 
mazmuni deb biladi.  
Sevgilisi  mamlakatiga  dushman  hujum  qilganida  u  Хusrav  qo’shiniga  qarshi 
kurashga  otlanadi.  Shirin  vatanini  mardonavor  himoya  qiladi.  Biroq  Хusrav  uni 
makr-hiyla  bilan  asir  oladi  va  uni  yovuz  bir  makkora  kampir  qo’li  bilan  halok 
etadi. Dostonda bunday o’rinlar ta’sirchan tasvirlangan. Biroq shuncha yovuzliklar 
qilgan,begunoh  kishilar  o’limiga  sababchi  bo’lgan  Хusrav  jazosiz  qolmaydi. 
Shirinning  go’zalligini  ko’rgan  Хusravning  o’g’li  Sheruya  o’z  otasini  o’ldiradi. 
Хusravning bunday fojiali o’lim topishi yovuzlikning o’limga mahkum ekanligiga 
ishoradir.    

---

 
109