Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Navoiyning  shahzoda  Shoh  G’arib  Mirzoga  nasihati.  Asarning  53  bobi 
shoir  Husayn  Boyqaroning  o’g’li  Shoh  G’arib  Mirzo  madhiga  bag’ishlanadi. 

---

 
111 
Navoiy  unda  shahzodaga  bir  necha  nasihatlar  beradi.  Bo’lg’usi  shoh  nimalarga 
amal qilishi zarurligini keltiradi. Shoir tasviricha avvalo shoh  ogoh bo’lishi zarur. 
Ya’ni  u  el-yurt  ahvolidan  yaxshi  xabardor  bo’lishi  lozim.  Ogohlikni  o’ziga  shior 
qilib olmagan shoh shoir talqinida podshohlikka munosib emasdir:  
Erursen shoh – agar ogohsen sen, 
Agar ogohsen sen – shohsen sen.   
Navoiy  shoh  ilmli  bo’lsa  undan  yaxshi  ot  qolishini  eslatadi.  Fikrlari  tasdig’i 
uchun  Iskandar  ilmu  hunarli  bo’lgani  uchun  butun  olamni  qo’lga  kiritgani,  ulug’ 
hukmdor  MirzoUlug’bekning  astronomiya  sohasida  qilgan  xizmatlarini  bir-bir 
keltirib  o’tadi.  Shoh  uchun  ilm  bilan  birga  qanoat  ham  juda  zarur,  deb  biladi. 
Shuningdek,  shoh  din  ilmini  ham  chuqur  bilishi  kerak.  Navoiy  din  ilmida  fiqh, 
hadis, tafsirni bilish lozim deydi.  Bu uch ilm haqida “Chu takomil o’ldi bu uch ilm 
sen  bil,  Yana  bir  ilm  maylin  qilma,  yo  qil”,  deydi.  Shoir  shahzodaga  nasihatlar 
berar  ekan,  dunyoning  o’tkinchiligini  aytadi.  Hayotda  yaxshi  ham,  yomon  ham 
yashaydi, ammo inson o’zidan yaxshi nom qoldirishga harakat qilishi lozim, deydi.  
Shoir nima foydali, nima zararli ekanini hikmat ajratib berishini, ana shundan 
keyin  foydalilari  bilan  shug’ullanish  kerakligini.  Hamma  ishda  ham  o’rtani 
tutishga mayl qilish lozimligini aytadi. 
Navoiy  shohning  mamlakat  boshqarish  ishlari  haqida  to’xtalar  ekan,  tarixda 
jahongirlar qanday yo’l tutganliklari, qay biri adolat, qay biri zulm yo’lini tutgani, 
qanday  ishdan  mamlakat  obod  bo’lib,  qaysinisidan  barbod  bo’lishini  hukmdor 
yaxshi  bilishi  lozimligini  ta’kidlaydi.  Elga  foyda  keltiradigan  ishlar,  cherikning 
qanday  tuzilishiyu,  dinga  ziyon  yetkazadigan  ishlar  nimalar  ekanligini  chuqur 
anglashi, qanday shohdan yaxshi nom qoladi, degan savolga shoh javob bera olishi 
zarur deb hisoblaydi.  
Nechukkim, shoh topmish dinu dunyi, 
Sanga ham yetgay ushbu ikki ma’ni. 
 
Bu ikki ishni gar qilsang tavaqqu’, 
Ne ishkim shah qilur, qilg’il tatabbu’. 

---

 
112 
Ko’rinadiki,  Shoh  g’arib  Mirzoga  qilingan  ushbu  nasihat  orqali  Alisher 
Navoiy  o’zining  ideal  jamiyat  va  ideal  hukmdor  haqidagi  qarashlarini  shoirona 
ifodalaydi.